Əziz Kərimov. Açiq mənbələrdən foto.
Bakı/18.08.20/Turan: Turan agentliyinin fotomüxbiri Əziz Kərimov Fritta Orda (Norveç) və ZEİT, Ebelin və Gerd Buserius (Almaniya) Fondunun təsis etdiyi nüfuzlu “Azad Media” beynəlxalq mükafatının qalibi olub.
Ə.Kərimov Rusiyanın “Medizona” və “Rus layihəsi. Media” İnternet nəşrləri, ukraynalı jurnalist Stanislav Aseyev və Ukraynanın “Jurnalist araşdırmaları sxemi” teleproqramının redaksiyası ilə birlikdə bu ilin beş qalibindən biridir.
Əziz Kərimov sənədli fotoqrafiya sahəsində fəaliyyət göstərir. Onun fotoları “Associated Press”, “Reuters”, “Los Angeles Times” və digər beynəlxalq nəşrlər tərəfindən geniş dərc olunur. 2013-cü ildən Azərbaycanda baş verən siyasi etirazlara dair bir çox fotoreportajın müəllifidir. Foto-işlərində Azərbaycan regionlarının sosial problemlərini də işıqlandırır.
“Azərbaycan hökuməti dəfələrlə onun işini məhdudlaşdırmağa, onu yerli və beynəlxalq tədbirlərdən uzaqlaşdırmağa cəhd edib. Kütləvi informasiya vasitələrinə ciddi nəzarətə və ayrı-ayrı təhlükələrə baxmayaraq, Əziz Kərimov qeyri-stabil siyasi və sosial problemləri sənədləşdirməyə davam edir”, - müsabiqənin press-relizində deyilir.
Xatırladaq ki, 12 il əvvəl Turan agentliyi də bu mükafata layiq görülüb.
“Avtoritar ölkələrdə jurnalist araşdırmaları ilə məşğul olmaq və mübahisəli məsələləri işıqlandırmaq üçün xeyli cəsarət və böyük dözüm lazımdır. Mükafat laureatlarının düşmənçilik mühitində çətin nailiyyətlər nəticəsində dərc etməyə imkan tapdıqları informasiya həyati əhəmiyyət daşıyır və Şərqi Avropada demokratik hərəkatlar üçün həlledici əhəmiyyətə malikdir” , - Fritta Orda Fondunun icraçı direktoru Knut Olav Omos deyib.
“Bu il Free Media Awards mükafatları hakimiyyətin korrupsiya və sui-istifadə hallarını qorxmadan ifşa edən, insan hüquqlarının pozulmasını ifşa edən və öz hökumətləri tərəfindən qorxudulmayan cəsur jurnalistlərə və redaksiya şöbələrinə təqdim olunur. Onlar bu cür hərəkət etməklə vətəndaş cəmiyyətinin fəaliyyəti üçün vacib olan mətbuat azadlığını müdafiə edirlər. Onların səylərini dəstəkləmək ZEİT - Stiftung üçün çox vacib missiyadır”, - ZEİT Fondunun icraçı direktoru Mixael Gerinq qeyd edir.
COVİD - 19 pandemiyası səbəbindən Free Media Awards mükafatının təqdimat mərasimi 2021-ci ilə keçiriləcək. --0-
Cəmiyyət
-
Fevralın 2-də Bakıda və Abşeron yarımadasında hava dəyişkən buludlu olacaq, arabir tutulacaq, yağıntı olmayacaq. Gecə və səhər bəzi yerlərdə duman, zəif çiskin gözlənilir. Cənub-şərq küləyi axşam şimal-qərb küləyi ilə əvəz olunacaq. Havanın temperaturu gecə müsbət 1 +6, gündüz müsbət 8 +11 dərəcə olacaq, Ekologiya və Təbii Sərvətlər Nazirliyi Milli Hidrometeorologiya Xidməti bildirib.
-
Lider mobil operatordan yeni Xiaomi smartfonunu əldə edən müştərilərə seçilmiş SuperSən tarif paketlərinə 50% endirim Azercell “Gənclər Günü” münasibətilə istifadəçilərə xüsusi kampaniya təqdim edir. Belə ki, “Azercell Exclusive” və rəsmi diler mağazalarından “Xiaomi Redmi Note 14” seriyasına aid smartfonlar əldə edən müştərilər “Supersən 6GB” və ya “Supersən 10GB” tarif paketinə 2 ay müddətində 50% endirim qazanacaqlar.
-
“Gubad İbadoğlu işi” çərçivəsində həbs edilən Fazil Qasımov və Anar Əliyevin məhkəmə prosesi cümə axşamı Bakı Ağır Cinayətlər Məhkəməsində davam edib. Hakim Mahirə Kərimovanın sədrliyi ilə keçirilən iclasda müdafiə tərəfi prosedur pozuntuları və saxta pul sübutlarının təqdim olunma qaydasına dair narahatlıqlarını ifadə edib.
-
"Göytəpə" sərhəd dəstəsinin xidməti ərazisində ümumi çəkisi 7 kiloqram 145 qram narkotik vasitəni ölkə ərazisinə keçirməyə cəhd edən İran vətəndaşı 1984-cü il təvəllüdlü Mollayı Meysən Allahbaxış saxlanılıb. Bu barədə yanvarın 31-də Azərbaycan Dövlət Sərhəd Xidməti məlumat yayıb.
Rəy yaz