![Üç vergi müfəttişi həbs edilib](https://turan.az/resized/media/2019/main/011800016242-750-500-resize.webp)
Üç vergi müfəttişi həbs edilib
Bakı18.01.19/Turan: Bakı Şəhəri Kiçik Sahibkarlıqla İş Departamentinin üç vergi müfəttişi rüşvətxorluğa görə həbs edilib. Bu barədə Vergilər Nazirliyinin və Baş Prokurorluğun birgə məlumatında deyilir.
İki müfəttiş - Elçin Qaybalıyev və Ziyad Lətifov aksiz markası olmayan siqaretlərin satıldığı mağazanın satıcısından rüşvət alıblar. 1000 manat alan müfəttişlər qanunsuz məhsulun həcmini kiçildiblər ki, satıcı cinayət məsuliyyətinə cəlb edilməsin.
Fakt üzrə CM-in 311.3.1-ci maddəsi (qabaqcadan əlbir olan bir qrup şəxs tərəfindən rüşvət almaq) ilə cinayət işi açılıb.
Başqa bir halda müfəttiş Ağa Məmmədovun dələduzluq faktı aşkar edilib. A.Məmmədov bir neçə firmanın rəhbərindən 2700 manat alaraq onlara 5700 manat məbləğində vergi borcunu siləcəyini vəd edib.
Fakt üzrə CM-in 178.2.3 (xidməti vəzifədən istifadə etməklə dələduzluq ) və 308.1-ci (xidməti vəzifədən sui-istifadə) maddələri ilə cinayət işi açılıb.
Məhkəmənin qərarı ilə hər üç müfəttiş həbs olunub, məlumatda deyilir.-02D-
-
- İqtisadiyyat
- 18 Yanvar 2019 15:07
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz