Üçüncü
Üçüncü "Jurnalistlər evi"ni şəhid və Vətən Müharibəsi qəhrəmanlarının ailələri üçün hazırlayrlar
Bakı/25.08.23/Turan: Bakının Səbail rayonunda öncədən jurnalistlər üçün tikilən 17 mərtəbəli yaşayış binası Əmək və Əhalinin Sosial Müdafiəsi Nazirliyinin balansına köçürülüb. Bu o deməkdir ki, həmin binadakı mənzillər jurnalistlərə verilməyəcək, Turan-a evin jurnalistlərə verilməsinə tərəfdar olan bir qrup KİV əməkdaşı bildirib.
Məlum olduğu kimi, 2021-ci ilin iyulunda 38 jurnalist və ictimai təşkilat rəhbərindən ibarət qrup prezident İlham Əliyevə müraciət edərək üçüncü binadakı mənzillərin şəhid, xüsusi təyinatlı döyüşçülər, Vətən Müharibəsi qəhrəmanlarının ailələrinə verilməsini xahiş edib.
Həmin mənbənin məlumatına görə, ötən gün kommunal xidmətlərin bir qrup mütəxəssisi 225 mənzildən ibarət üçüncü binaya gələrək onun məskunlaşmağa hazır olmsını yoxlayıb.
Eyni zamanda, Turan-ın sorğusuna cavab olaraq Əmək və Əhalinin Sosial Müdafiəsi Nazirliyində binanın nazirliyin balansına verilməsini inkar ediblər.
Bakının Səbail rayonunda əvvəlki iki 17 mərtəbəli ev jurnalistlərə verilib, mənzillərin paylanması zamanı mənzil sahiblərinin müəyyənləşdirilməsi qaydaları kobud şəkildə pozulub. Yeni mənzillərin bəzi sahibləri prezidentin bağışladığı mənzili satıblar.
2021-ci ilin dekabrında KİV İnkişafına Dövlət Dəstəyi Fondunun keçmiş icraçı direktoru Vüqar Səfərlinin rəhbərliyilə məmurlar vəzifələrindən azad edilib və mühakimə olunublar. Onlar həmin binaların inşası və istismarı zamanı korrupsiya və dövlət vəsaitlərinin mənimsənilməsində ifşa olunublar. Nəticədə müxtəlif KİV-in mənzil problemi olmayan bir neçə baş redaktoru və jurnalistikadan uzaq onlarla adam orada mənzil alıb.
İlk iki binada mənzillərin paylanması ətrafında qalmaqaldan sonra cəmiyyətdə üçüncü binadakı mənzillərin müharibə əlillərinə və şəhid övladlarına verilməsinin məqsədəuyğunluğu barədə müzakirələr aparılıb ki, bu da üçüncü binada mənzil almağı planlaşdıran jurnalistlərin narazılığına səbəb olub.
Jurnalistlərin mənzillə dövlət təminatı ilə bağlı prezidentin 19 iyul 2017-ci il tarixli sərəncamını tənqid edənlər hesab edirlər ki, cəmiyyətdə həqiqətən pulsuz mənzillərə layiq vətəndaşlar var. Onlar uşaq evlərində böyümüş kimsəsizlər, şəhid ailələri və müharibə əlilləridir. Tənqidçilərin digər qismi hesab edir ki, jurnalistlərin pulsuz mənzillərlə dövlət təminatı KİV-ı ələ almağın açıq formasıdır.—0—
Cəmiyyət
-
Bazar günü, oktyabrın 20-də Bakıda və Abşeron yarımadasında bəzi yerlərdə arabir yağış yağacağı gözlənilir. Gecə yarımadanın bəzi yerlərində qısamüddətli intensivləşəcəyi, şimşək çaxacağı ehtimalı var. Gündüz tədricən kəsiləcək. Mülayim şimal-qərb küləyi gündüz şimal-şərq küləyi ilə əvəz olunacaq.
-
Azərbaycanda biznesə başlamağın nə qədər təhlükəli olması barədə
-
Bu gün səhər Bakı metrosunda fövqəladə hadisə qatarların hərəkətində gecikməyə səbəb olub.
-
Şəkidə vətəndaşın polis şöbəsində təzyiqə məruz qaldığı və səbəbsiz həbs olunduğu deyilir.
Rəy yaz