Bakı/28.01.20/Turan: Yeni koronavirus epidemiyası səbəbilə bağlanmış Çinin Uhan şəhərində azərbaycanlı tələbələr var. Hakimiyyət şəhərə giriş və çıxışı qadağan etdiyinə görə şəhəri tərk edə bilmirlər. Bu barədə həmin tələbələrdən biri, Səməd Azadlı məlumat verib.
Öz növbəsində Azərbaycan XİN rəsmi nümayəndəsi Leyla Abdullayeva Turan-ın sorğusuna cavab olaraq bildirib ki, bu məsələ ilə bağlı Çin tərəfi ilə danışıqlar aparılır. “Bu, asan olmayan və uzun prosesdir, Çin tərəfi ilə danışıqlar davam edir”, - L.Abdullayeva deyib.
Azərbaycanın ÇXR-dəki səfiri Əkrəm Zeynallı isə AZTV-yə bildirib ki, ÇXR-də hazırda 500 Azərbaycan vətəndaşı var. Uhanda 7 Azərbaycan vətəndaşı, o cümlədən 4 tələbə qalır.
Tələbələr yataqxanalarda təcrid ediliblər. Yerli hakimiyyət bütün əcnəbilərə küçələrə çıxmamağı tövsiyə edir və onları yemək və zəruri əşyalarla təmin edir. Çin hakimiyyəti şəhəri tərk etməyi məqsədəuyğun hesab etmir.
Azərbaycan tərəfi öz vətəndaşlarını gətrimək məqsədilə ÇXR hakimiyyəti ilə danışıqları davam etdirir və bunun tezliklə həyata keçiriləcəyinə ümid edir, səfir bildirib.–06В---
Cəmiyyət
-
Dekabrın 10-da Beynəlxalq İnsan Hüquqları Günü qeyd olunacaq. Azərbaycanda belə bir gün ərəfəsində hüquq müdafiəçisi Rüfət Səfərov həbs olunub. Dekabrın 4-də Binəqədi rayon Məhkəməsində onun barəsində 4 aylıq həbs-qətimkan tədbiri seçilib. Rəsmi ittiham dələduzluq, xuliqanlıq və az ağır xəsarət yetirmə olsa da, R.Səfərov bu iddiaları qəbul etmir və həbsini öz hüquq müdafiə fəaliyyəti ilə əlaqələndirir.
-
Cümə günü paytaxtda və Abşeronda yağış yağacağı gözlənilir, axşama doğru intensiv olacaq. Şimal-qərb küləyi əsəcək. Havanın temperaturu gecə müsbət 5 +7, gündüz müsbət 8 + 11 dərəcə olacaq. Rütubət 80-85 faiz olacaq.
-
Gələn il dəfn üçün birdəfəlik sosial müavinətin 960 manat olması proqnozlaşdırılır. Bu, 2025-ci il üçün büdcə zərfində əksini tapıb. Lakin sözügedən müavinət hamıya şamil edilmir. Mövcud olan qaydalara görə, dəfn üçün müavinət sığortaolunan və ya əmək pensiyaçısı vəfat etdikdə məcburi dövlət sosial sığorta haqları hesabına verilir.
-
Cümə axşamı Bakıda və Abşeron yarımadasında hava şəraiti dəyişkən buludlu, əsasən yağmursuz olacaq. Axşam arabir yağış yağacağı gözlənilir. Şimal-qərb küləyi əsəcək. Havanın temperaturu gecə 5-8 dərəcə isti, gündüz 8-11 dərəcə isti olacaq. Nisbi rütubət 70-80 % olacaq.
Rəy yaz