Photo TURAN.
Ukrayna səfirliyi qarşısında keçirilən aksiyanın iştirakçıları Misir Qasımlının azad edilməsini tələb ediblər
Bakı/20.09.22/Turan: Bu gün Ukraynanın Azərbaycandakı Səfirliyinin qarşısında İkinci Qarabağ müharibəsinin veteranı Misir Qasımlının Ukraynada əsassız təqibinə qarşı etiraz aksiyası keçirilib.
Aksiya iştirakçıları "Misirə azadlıq!", "Misir, sən tək deyilsən!" və s. şüarlar səsləndiriblər.
Etirazçılar 1,5 ildir Ukraynada həbsdə saxlanılan Qasımlının təqsirli olmadığı və böhtan xarakterli ittihamla həbs edildiyi qənaətindədirlər. Onlar hesab edirlər ki, Ukrayna məhkəməsi bəraətverici əsaslarla Qasımlının təqibinə son qoymalı və onu azad etməlidir.
Aksiya iştirakçıları səfirliyin əməkdaşına öz qətnamələrini təqdim ediblər.
Qasımlı özü məhkəmədə erməni əsilli İspaniya vətəndaşının guya Qasımlı tərəfindən döyülməsi haqqında uydurma şikayəti əsasında həbs edildiyini bildirib.
Qasımlıya qarşı silah gəzdirmək, adam oğurlamaq və döymək ittihamları irəli sürülüb. 06В
Cəmiyyət
-
Azərbaycanın Rəqəmsal İnkişaf və Nəqliyyat Nazirliyi faktiki olaraq təsdiqləyib ki, Prezident İlham Əliyevin rəsmi təyyarəsi “Bakı-1” 25 dekabr tarixində Müstəqil Dövlətlər Birliyinin (MDB) qeyri-rəsmi sammitində iştirak etmək üçün Sankt-Peterburqa uçuş zamanı xarici texniki müdaxiləyə məruz qalıb. Bu açıqlama, hadisənin detalları və Rusiya hava məkanında GPS siqnalının itirilməsi ilə bağlı xəbərlər fonunda diqqət mərkəzinə düşüb.
-
Yardımlı rayonunun İranla sərhədində 20 kiloqram narkotik vasitə və psixotrop maddə aşkarlanıb. Bu barədə Daxili İşlər Nazirliyinin mətbuat xidmətinin Lənkəran regional qrupu bildirib.
-
Fevralın 6-da Bakıda və Abşeron yarımadasında günün birinci yarısında bəzi yerlərdə çiskinli yağış yağacaq. Arabir güclənən şimal-qərb küləyi əsəcək.
-
Azərbaycanda yaxın günlərdə temperaturun kəskin enməsi və ölkə ərazisində fırtınalı, yağıntılı hava şəraitinin müşahidə olunacağı gözlənilir. Milli Hidrometeorologiya Xidməti bazar ertəsi bildirib ki, bəzi ərazilərdə intensiv yağıntılar, dağlıq və dağətəyi rayonlarda qar yağışı, yolların buz bağlaması və güclü külək proqnozlaşdırılır.
Rəy yaz