Bakı/11.12.19/Turan: Bakının Sabunçu rayonunda azyaşlı uşaqlarına işgəncə verməkdə şübhəli bilinən ata saxlanılıb. Bu barədə Turan-a Baş Prokurorluğun mətbuat xidmətindən bildiriblər.
Ağcabədi rayon sakini Xaqanu Əkbərovun və oğullarının ögey anası Nuranə Əkbərovanın Zabrat qəsəbəsində bu azyaşlı uşaqları mütəmadi olaraq döydükləri müəyyən edilib. Nəticədə 2019-cu ilin oktyabrında Q.Ə. alın və burun nahiyələrinin ikinci dərəcəli termiki yanıqları, mexaniki asfiksiyaya səbəb olmayan boyun nahiyyəsinin stranqulyasiya şırımı, sol said nahiyəsinin sıyrığı, sol bazu sol dirsək oynağı və sol baldır nahiyyələrinin qançırları kimi ümumilikdə sağlamlığın qısa müddətə pozulmasına səbəb olan, sağlamlığa yüngül zərərvurmaya aid xəsarət alıb.
Qardaşı H.Ə. isə sağ ayağın dərialtı hematoması ilə müşayiət olunan sağ ayaqda V ayaq-daraq sümüyünün yerini dəyişən qapalı sınığı, sol budun, sol baldırın və sol ayağın dərialtı hematomaları, sağ yanaq-çənə nahiyəsinin, hər iki bazunun, sol dirsək oynağı nahiyəsinin sağ saidin, döş qəfəsinin, sağ budun, sağ diz və sağ aşıq-baldır oynağı nahiyələrinin qançırları, sol əlin III barmağının, sağ budun və sağ baldırın II dərəcəli termiki yanıq yaraları kimi, ümumilikdə sağlamlığın uzun müddətə pozulmasına səbəb olan sağlamlığa az ağır zərərvurmaya aid xəsarətlər yetirmələrinə əsaslı şübhələr müəyyən edilib.
Azyaşlıların aldıqları bədən xəsarətlərinin əmələ gəlmə müddətlərinin ataları və analıqları ilə birlikdə yaşadıqları vaxta uyğun gəlməsi məhkəmə-tibbi ekspertizasının rəyləri ilə bir daha təsdiq olunub.
X.Əkbərov və N.Əkbərova cinayət məsuliyyətinə cəlb edilib, onlara qarşı CM-in 127.2.2 (xüsusi amansızlıqla və ya köməksiz vəziyyətdə olan şəxsin sağlamlığına qəsdən az ağır xəsarət yetirmə), 133.2.3 (əziyyət, əvvəlcədən əlbir olan bir qrup şəxs tərəfindən verildikdə) və 133.2.4-cü (yetkinlik yaşına çatmayanlara əziyyət vermə) maddələri ilə ittiham irəli sürülüb.
X.Əkbərov barəsində həbs qətimkan tədbiri seçilib.
N.Əkbərova 16 həftəlik hamilə olduğuna görə polis nəzarətinə verilib.
Uşaqlar barəsində əlavə məhkəmə-tibbi, psixiatrik və psixoloji ekspertizalar təyin edilib.
X.Əkbərovun atalıqdan məhrum edilməsi üçün müvafiq dövlət orqanlarına müraciətlər qəbul edilib.
Azyaşlı uşaqların müalicəsi və sosial reabilitasiyası, psixoloji vəziyyətlərinin düzəldilməsi üçün mütəxəssislər cəlb edilib. -21C06-
Cəmiyyət
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
-
Cümə axşamı paytaxtda hava tutqun olacaq, səhər az yağış yağa bilər. Mülayim cənub-şərq küləyi əsəcək. Havanın temperaturu gecə müsbət 8 +10, gündüz müsbət 12 + 15 dərəcə olacaq. Rütubət gecə və gündüz rütubət 65-75 faiz olacaq.
-
Noyabrın 12-də Bakıda Birləşmiş Millətlər Təşkilatının (BMT) İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) liderlərin toplantısı başlayıb. "Euronews" telekanalı BMT-dəki mənbələrə istinadən bildirir ki, tədbirdə 100-ə yaxın dövlət başçısı iştirak edir.
Rəy yaz