Uzun Həsənin anadan olmasının 600 illiyi münasibətilə qızıl pul buraxılıb

Bakı/03.11.23/Turan: “AzerGold” Qapalı Səhmdar Cəmiyyəti  Ağqoyunlu dövlətinin hökmdarı, Azərbaycanın çoxəsrlik dövlətçiliyi tarixində xüsusi yeri olan Uzun Həsənin anadan olmasının 600 illiyi münasibətilə qızıl pul buraxıb.

Səhmdar Cəmiyyətdən  bildirilib ki, nəfis tərtibatda dizayn edilmiş, incə naxışlarla zərb edilmiş 999.9 əyarlı, 20 qram çəkiyə malik qızıl pullar  Heydər Əliyev Mərkəzində təşkil edilən “Uzun Həsən  Ağqoyunlu dövlətinin hökmdarı” sərgisində nümayişə çıxarılıb. Yeni qızıl pul “AzerGold” Qapalı Səhmdar Cəmiyyətinin Bakı şəhəri, Bülbül prospekti, 3 ünvanda yerləşən Satış və Mübadilə Mərkəzində müştərilərə təqdim edilir. Məhsulları həmçinin onlayn satış platforması (www.azergold.gift) vasitəsilə əldə etmək mümkündür.

Nəvəsi Azərbaycan Şahinşahı və İran Şahı I-ci İsmayıl Xətai güclü Səfəvi dövlətini (1501-1722) qurdu. Dövlətin sərhədləri müasir Azərbaycan, İran, Ermənistan, Gürcüstan, Türkmənistan, Əfqanıstan, İraq, Şərqi Türkiyə, Küveyt, Bəhreyn, habelə Pakistanın, Özbəkistanın cənubunun Tacikistanla, Suriyanın Şərqinin və Rusiyanın cənubunun (Dərbənd) ərazilərini əhatə edirdi.- 06B-