Vaksinasiyadan sonra koronavirusa yoluxmaq olur – baş infeksionist

Bakı/12.04.21/Turan: Ölkənin Səhiyyə Nazirliyi Azərbaycanda bir milyon 177 min nəfərin vaksinasiya olunduğunu bildirir. Bu, o deməkdir ki, ölkənin hər on sakinindən biri təhlükəli xəstəlikdən qorunub, 286 mindən çox ölkə vətəndaşı isə koronavirus keçirərək təbii qoruma əldə edib.

Amma xəstələnənlərin sayı artmaqda davam edir və hər gün 2000-dən çox yeni yoluxma və 30-dan çox vəfat qeydə alınır.

Vaksinasiyaya baxmayaraq, koronavirusa yoluxanlar haqqında məlumatlar getdikcə artır.

Turan-ın vaksinasiyadan sonra yoluxmanın səbəbləri haqqında suallarını Səhiyyə Nazirliyinin baş infeksionisti Təyyar Eyvazov cavablandırıb.

O deyib ki, vaksinasiya koronavirusa yoluxmama zəmanəti vermir. “Vaksinasiya olunanların bəzləri birinci vaksinasiyadan bir ay sonra ikinci iynəni hələ vurdurmayıb, orqanizmin qorunması isə (kifayət qədər anticisim) təkrar vaksinasiyadan bir müddət sonra yaranır. Yalnız o zaman vaksinin təsirindən danışmaq olar. Bu zaman aralığında vətəndaşlar koronavirusa yoluxa bilərlər”, deyə Eyvazov bildirib.

“Amma vaksinasiya proseduru tam başa çatdıqdan sonra da orqanizmin təbii xüsusiyyətləri – infeksiyaya zəif müqaviməti nəticəsində koronavirusa yoluxmaq olar. Belə insanların immuniteti zəifdir və vaksin yüz faizlik təsir göstərmir. Analiz orqanizmdə anticisimlərin sayının az olduğunu göstərirsə, yeni vaksinasiyaya ehtiyac var. Vaksinasiya olunmuş xəstələr infeksiyanı vaksin vurulmamış xəstələrdən daha yaxşı keçirirlər”, deyə Təyyar Eyvazov bildirib. -0-