![Valideynlər məktəblinin intihar etməsilə əlaqədar etiraz aksiyası keçiriblər](https://turan.az/resized/media/2019/main/041200018150-750-500-resize.webp)
Valideynlər məktəblinin intihar etməsilə əlaqədar etiraz aksiyası keçiriblər
Bakı/12.04.19/Turan: Cümə günü Bakıdakı 162 saylı məktəbin qarşısında 8-ci sinif şagirdi Elina Hacıyevanın intihar etməsində günahkar olanların cəzalandırılması tələbilə etiraz aksiyası keçirilib.
Aksiyada onlarla valideyn iştirak edib. Onlar mərhumun fotosunu məktəbin divarlarından asıb, şam yandırıb, çiçək qoyublar.
Aksiya iştirakçıları məktəb direktorunun və məktəbin rəhbər heyətinin işindən narazılıq ediblər.
"Hələ bir neçə ay öncə məktəbin direktoru və onun əlaltısı olan müəllimlər barədə şikayət etmişdim. Əgər şikayətə baxılsaydı, bu faciə baş verməzdi. Mənim qızımı da belə aqibət gözləyə bilərdi, çünki direktor onu da təhqir etmişdi", - valideyn Səbahə Quliyeva deyib.
"Biz qızın ölümündə günahkar olanların cəzalandırılmasını tələb edirik. Cinayətin ört-basdır edilməsinə yol verməyəcəyik. Uşaq üçüncü mərtəbədən yerə düşdükdən sonra iki saat yerdə qalıb, valideynlərinə xəbər verməyiblər və direktorun kabinetinə aparıblar. Elə bunun özü cinayət məsuliyyətinə cəlb etmək üçün yetərlidir. Direktor ondan şikayət edən valideynlərə və uşaqlara hədə-qorxu gəlib.
Sinif rəhbərinin hər şeydən xəbəri olub. 11-ci sinif şagirdləri onu döyüblər, ələ salıblar", - özünü təqdim etməyən digər iştirakçı deyib.
Xatırladaq ki, aprelin 4-də 162 saylı məktəbin 8-ci sinif şagirdi məktəbin üçüncü mərtəbəsindən özünü atıb. İki gün sonra Şəhər Kliniki Xəstəxanasında ölüb.
Fakt üzrə Bakı Şəhər Prokurorluğunda CM-in 125-ci maddəsi (intihar həddinə çatdırma) üzrə cinayət işi açılıb. Faciəvi insident sosial şəbəkələrdə narazılıq yaradıb.
Məktəbin direktoru Sevinc Abbasova istintaq başa çatana qədər işdən kənarlaşdırılıb.03B06-
-
- Maliyyə
- 12 Aprel 2019 15:07
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz