Bakı/10.01.19/Turan: Ötən gün "Sovetski"də söküntü zonasında baş vermiş partlayışdan sonra yaxın əraziyə qaz və suyun verilməsi dayandırılıb.
Müvəqqəti olaraq elektrik enerjisi, su və qaz təchizatından məhrum olan obyektlər arasında yaxınlıqdakı Avropa liseyi də var. Bu barədə Turan-a valideynlər məlumat veriblər.
Onların sözlərinə görə, iki gündür ki, məktəbə qaz və su verilmir. Bununla əlaqədar məktəb qızdırılmır. Onlar bildirirlər ki, həmin ərazidə binaların sökülməsi səbəbindən vaxtşarı qaz və suyu kəsirlər.
Valideynlər ehtiyat edirlər ki, partlayış, ümumilikdə həmin zonada tikililərin demontajı üzrə kütləvi işlər 70-80 il öncə tikilmuş binalara da təsir edə bilər.
Lakin təhsil müəssisəsinin direktoru Zülfiyyə Veysova Turan-ın müxbiri ilə söhbətində liseyin həyat əhəmiyyətli xidmətlərdən məhrum olunması barədə məlumatı təkzib edib.
"Hazırda məktəb normal vəziyyətdə fəaliyyət göstərir, elekrik enerjisi, su, qaz var, otaqlar istidir, təchizat 100% yerinə yetirilir", - direktor bildirib.
Eyni zamanda o etiraf edib ki, "partlayışın baş verdiyi gün birinci korpusda ilk iki dərs müddətində bir saatlığa elektrik enerjisi kəsilib".
Direktorun sözlərinə görə, onun müvafiq xidmətlərə müraciətindən sonra elektrik təchizatı bərpa edilib.
O həmçinin bildirib ki, partlayışdan sonra vəziyyətin qiymətləndirilməsi üçün FHN, "Azəriqaz" İB və digər xidmətlərin nümayəndələri məktəbə gəliblər.
Z.Veysovanın sözlərinə görə, tədris prosesinin davam etməsi üçün əngəl yoxdur.
Xatırladaq ki, yanvarın 9-na keçən gecə Tolstoy küçəsi, 40 ünvanında baş vermiş partlayış nəticəsində 3 nəfər həlak olub. İlkin məlumata görə, partlayışa qaz sızması səbəb olub.-0--
Cəmiyyət
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
-
Ölkənin lider mobil operatoru davamlılıq və innovasiya mövzusuna həsr olunmuş mühüm sessiyada iştirak etdi 13-14 noyabr tarixlərində Bakıda "Azercell Telekom" MMC-nin dəstəyi ilə keçirilən 15-ci Davamlı İnnovasiya Forumu uğurla yekunlaşdı. İqlim dəyişikliklərinə həsr olunmuş qlobal tədbirlərin önəmli bir hissəsi olan bu forum biznes, maliyyə, dövlət qurumları və qeyri-hökumət təşkilatlarından 1000-ə yaxın sahə liderini bir araya gətirməyə müvəffəq oldu. Forum iqlim problemlərinin həlli, davamlı inkişaf təşəbbüsləri və innovativ həllərin müzakirəsi üçün effektiv platforma rolunu oynadı.
-
"Təhsil sahəsinin ən böyük problemi komplektləşdirilmiş məktəblərin sayının az olmasıdır". Yerli saytların məlumatına görə, bunu noyabrın 20-də Milli Məclisin Aqrar siyasəti, Ailə, qadın və uşaq məsələləri, Elm və təhsil komitələrinin birgə iclasında "...2025-ci il dövlət büdcəsi haqqında" qanun layihəsinin müzakirəsində elm və təhsil naziri Emin Əmrullayev deyib.
-
İnnovasiya və sürət lideri “Bakcell”in təşkilatçılığı ilə “Süni İntellektlə Dayanıqlılıq” mövzusunda panel müzakirəsi keçirilib. Tədbirə spiker qismində “Bakcell”in Marketinq direktoru Elxan Sadıqzadə, “PwC Azərbaycan”ın Məsləhət xidmətləri departamentinin rəhbəri Fərid Qattal və İnnovasiya və Rəqəmsal İnkişaf Agentliyinin İnnovasiyalar üzrə rəhbəri Evgeniya Bikmurzina qatılıblar. Müzakirələr “Bakcell”in Korporativ kommunikasiyalar və ictimaiyyətlə əlaqələr üzrə direktoru Aysel Süleymanovanın moderatorluğu ilə baş tutub.
Rəy yaz