Bəxtiyar Hacıyev
Bakı/25.01.23/Turan: İctimai fəal Bəxtiyar Hacıyev həbsdən azad edilməsi tələbilə 17-ci gündür ki, Bakı 1 saylı İstintaq Təcridxanası aclıq edir.
Yanvarın 25-də vəkillər Nemət Kərimli və Rövşanə Rəhimli təcridxanada onunla görüşüblər.
Kərimli bildirib ki, Hacıyevin vəziyyəti əvvəlki günlərlə müqayisədə daha da pisləşib. Əsasən başgicəllənmələr, halsızlıq artıb.
“Baş gicəllənməsi artdığından Bəxtiyar Hacıyev ayağa qalxanda müvazinətini itirir və az qalır yıxılsın. Təcridxana həkimi dedi ki, bu, beyinin qanla kifayət qədər təmin olunmaması ilə əlaqədar ola bilər”, - vəkil deyib.
Onun sözlərinə görə, Hacıyev MRT (maqnit rezonans tomoqrafiya) və KT (kompüter tomoqrafiya) müayinələrinin aparılması xahişilə Penitensiar Xidmətə müraciət etsə də, hələlik cavab almayıb.
Hacıyev istintaq təcridxanasının tibbi-sanitariya hissəsində saxlanılır.
Lakin vəkilin sözlərinə görə, ona keyfiyyətli tibbi xidmət göstərilmir, ancaq təzyiqini, qanda şəkərin səviyyəsini və ürək döyüntüsünü yoxlayırlar. Dəstəkləyici vasitələrin tətbiqi üçün damcı qəbulu yoxdur.
Hacıyevin həbs müddətinin uzadılması ilə bağlı apellyasiya şikayətinə baxılması yanvarın 27-nə təyin edilib.
Penitensiar xidmətdə qeyd ediblər ki, Hacıyev tibbi-sanitariya hissəsində həkim nəzarətindədir.
* Dekabrın 9-da Bəxtiyar Hacıyev xuliqanlıq və məhkəməyə hörmətsizlik ittihamı ilə saxlanılıb. Həmin gün Xətai Rayon Məhkəməsi onu 1 ay 20 gün həbs edib.
Dekabrın 15-də Hacıyev həbsdən azad olunması tələbilə aclıq elan edib. İctimaiyyət nümayəndələrinin və ailə üzvlərinin təkidli çağırışlarından sonra dekabrın 28-də axşam aclığı dayandırıb. Lakin Apellyasiya Məhkəməsi onun həbsilə bağlı şikayətini növbəti dəfə təmin etmədikdən sonra, yanvarın 9-da Hacıyev yenidən aclığa başlayıb. B06
Yanvarın 21-də məhkəmə Bəxtiyar Hacıyevin həbs müddətini daha 1 ay uzadıb.-03B06-
Cəmiyyət
-
Son günlər ictimaiyyətin diqqəti 2024-cü il noyabrın 8-də Bakıda açılışı keçirilən Qarabağ Müharibəsinə həsr olunmuş yeni Qələbə Abidəsi ətrafında yaranan vəziyyətə yönəlib. Azərbaycanın tanınmış memarı və tarixi memarlıq artefaktlarının tədqiqatçısı Elçin Əliyev abidənin detalları ilə bağlı fotoşəkillər çəkməyə çalışarkən mülki geyimdə olan şəxslərin gözlənilməz maneəsi ilə üzləşib.
-
Şəmkir rayonunda suyun səviyyəsinin ildən-ilə azaldığı Zəyəmçay məişət tullantıları ilə çirkləndirilir, yerli sakinlər bildiriblər. Çayın təmizlənməsi üçün aidiyyatı qurumlara müraciət etsələr də, tədbir görülməyib.
-
Cümə günü paytaxtda hava dəyişkən olacaq. Gecə bəzi yerlərdə yağış yağa bilər. Mülayim cənub-qərb küləyi əsəcək, axşam şimal-qərb küləyinə geçəcək. Havanın temperaturu gecə müsbət 10 +12, gündüz müsbət 13 + 17 dərəcə, rütubət 70-80 faiz olacaq.
-
Dünyanın 28 ölkəsinin 100 universitetini təmsil edən 159 professor və müəllimdən ibarət koalisiya Azərbaycanın ekologiya və təbii sərvətlər naziri və COP29-un prezidenti Muxtar Babayevi 2023-cü ilin iyulundan qeyri-müəyyən müddətə ev dustaqlığında olan alim iqtisadçı və ekologiya fəalı, doktor Qubad İbadoğlunun azadlığa buraxılmasını müdafiə etməyə çağırıb. Azərbaycanın COP29 iqlim konfransına ev sahibliyi etdiyi bir vaxtda göndərilən məktubda doktor İbadoğlunun kritik səhhətinə və onun korrupsiya ilə mübarizəyə və qalıq yanacaq sənayesində şəffaflığın təşviqinə verdiyi töhfələrə istinad edərək, təcili tədbirlər görülməsinə çağırılır.
Rəy yaz