Bakı/25.08.19/Turan: Əfqan Muxtarlının həyat yoldaşı Leyla Mustafayevanın həbsdə jurnalistin hüquqlarının məhdudlaşdırılması və ona qarşı təxribat törədilməsi ehtimalı ilə bağlı bəyanatı ilə əlaqədar vəkil Nemət Kərimli avqustun 25-də müvəkkili ilə görüşmək üçün 16 saylı cəzaçəkmə müəssisəsinə gedib.
Amma "qeyri-iş günü olması" bəhanəsi ilə vəkilin və onunla birlikdə cəzaçəkmə müəssisəsinə gələn Müsavat Partiyasının lideri Arif Hacılının jurnalistlə görüşməsinə icazə verməyiblər.
Vəkil müvəkkillə görüşə icazə verilməməsini qanunsuz adlandırıb.
Onun sözlərinə görə, vəkil həbs yerlərində istənilən vaxt müvəkkili ilə məxfi şəraitdə görüşmək hüququna malikdir. "Görüş verilməməsi mümkün təxribatla əlaqədar Əfqan Muxtarlıya görə narahatçılığımızı daha da artırıb", deyə Kərimli bildirib.
Əvvəllər özü siyasi məhbus olmuş Hacılı da Muxtarlı ilə görüş verilməməsinin əsassız olduğunu qeyd edib.
Onun sözlərinə görə, o həbsdə olarkən məhbuslara həftəsonları təkcə qohumları ilə deyil, həm də onlarla birlikdə gələn dostları və tanışları ilə görüş verirdilər.
Penitensiar Xidmətdən şərh almaq mümkün olmayıb. -0-
2019 Avqust 25 (Bazar) 18:31:04
Əfqan Muxtarlıya məhdudiyyətlər qoyulduğu deyilir
Bakı/24.08.19/Turan: Hazırda həbsdə olan jurnalist Əfqan Muxtarlının bəzi məhdudiyyətlərlə üzləşdiyi bildirilir.
Bu barədə avqustun 24-də Əfqan Muxtarlı ilə telefonda danışan həyat yoldaşı Leyla Mustafayeva məlumat yayıb:
"Əfqan Muxtarlı deyir ki, saxlandığı 17 saylı cəzaçəkmə müəssisəsindən vəkil Nemət Kərimliyə zəng vurmasına icazə verməyiblər. Həmçinin, ona göndərilən kitab və pulu çatdırmayıblar"- deyə Leyla Mustafayeva qeyd edib.
L. Mustafayevanın sözlərinə görə, jurnalist ona qarşı təxribat ola biləcəyini ehtimal edir:
"Deməsinə görə, cəzaçəkmə müəssisəsində vəziyyət gərginləşib. Bir dostu ona poçt vasitəsilə pul gondərib. Verməyiblər, deyiblər ki, gələn həftəyə qaldı".
Xanımı vurğulayıb ki, Elman Fəttahın müəllifi olduğu "Yeni avtoritarizm və Azərbaycan" kitabı da jurnalistə göndərilsə də verilməyib:
"İki həftədir saxlayırlar və qadağan olunmayan kitabı həbsxanaya buraxmırlar".
Vəkil Nemət Kərimli isə bildirib ki, yaxın günlərdə Əfqan Muxtarlı ilə görüşüb bütün bu məsələlərə aydınlıq gətirməyə çalışacaq.
Amma Əfqan Muxtarlının xanımının dediklərinə, hələlik, Penitensiar Xifmətdən münasibət öyrənmək mümkün olmayıb. Bununla belə bu qurumdan oxşar şikayətlərlə bağlı bir qayda olaraq bildirirlər ki, cəzaçəkmə müəssisələrində məhkumlarla yalnız qanun çərçivəsində davranılır.
Jurnalist Əfqan Muxtarlı 2017-ci il mayın 29-da oturum izni aldığı Gürcüstandan zorla Azərbaycana gətirildiyini deyib.
Məhkəməsində bildirib ki, Tbilisidə saxlanıb, zor tətbiq edilərək sərhədə gətirilib və Azərbaycan tərəfinə təhvil verilib, üstəlik, cibinə 10 min avro pul qoyulub.
Bakıdakı rəsmi qurumlarsa onun sərhədi keçərkən Azərbaycan ərazisində saxlandığını, bu zaman hüquq-mühafizə əməkdaşlarına müqavimət göstərdiyini bəyan ediblər.
Əfqan Muxtarlı hakimiyyət nümayəndəsinə müqavimət göstərməkdə, sərhədi qanunsuz keçməkdə və qaçaqmalçılıqda ittiham olunaraq 6 il həbs cəzası alıb.
Gürcüstan baş naziri və daxili işlər naziri də Əfqan Muxtarlı olayında yerli hüquq-mühafizə orqanlarının iştirakını təkzib ediblər.-21B--
Cəmiyyət
-
Lider mobil operator “OPPO” və “Honor” cihazlarını əldə edən müştərilərə 3 ay boyunca 5 GB internet hədiyyə edir Azercell Yeni il ərəfəsində abunəçiləri üçün xüsusi kampaniya elan edir. Lider mobil operator “OPPO” və “Honor” cihazları əldə edən fakturasız xətt abunəçilərinə 3 ay boyunca 5 GB internet hədiyyə edir.
-
Bugünlərdə deputat Qüdrət Həsənquliyev parlamentdə prezidentə yalnız məhkumları deyil, istintaq altında olan şəxsləri də əfv etmək səlahiyyətinin verilməsi ilə bağlı təşəbbüs qaldırıb.
-
Tarixçi Cəmil Həsənlinin son Facebook paylaşımı Azərbaycanın pensiya sistemi və əmək bazarı ilə bağlı müzakirələri yenidən alovlandırıb, sosial təminat və məşğulluq siyasətlərindəki ciddi çatışmazlıqları üzə çıxarıb. Kəskin tənqid, Əmək və Əhalinin Sosial Müdafiəsi Naziri Sahil Babayevin parlament iclasında “heç vaxt işləməmiş və sosial sığortaya töhfə verməmiş şəxslərin pensiya hüququ olmamalıdır” bəyanatından sonra gəldi. Bu açıqlama, məşğulluq boşluqları və məhdud sosial təminat şəbəkələrinin bərabərsizliyi artırdığı Azərbaycanın əmək və pensiya sistemindəki köklü struktur problemlərinə diqqəti cəlb edib.
-
Azərbaycanda bir qrup tiktoker inzibati qaydada həbs olunub. DİN-in mətbuat xidmətinin məlumatına görə, saxlanılan şəxslər "sosial şəbəkələrdə cəmiyyətə qarşı hörmətsizlik, mənəvi dəyərlərə uyğun olmayan qeyri-etik paylaşımlar və çağırışlar" edirdilər.
Rəy yaz