Ənnağı Hacıbəyli
Bakı/16.05.19/Turan: Azərbaycan hakimiyyəti Hüquqşünaslar Assosiasiyasının rəhbəri Ənnağı Hacıbəylinin təxminən beş ildir ki, ölkədən çıxışına qoyulmuş qadağanı götürüb.
Tanınmış hüquqşünas qadağa səbəbindən gözündə mürəkkəb əməliyyatı etdirmək üçün xaricə gedə bilmirdi. Qadağa 2014-cü ildə 40 yerli və beynəlxalq QHT-yə qarşı açılmış cinayət işi çərçivəsində tətbiq edilmişdi.
"Nə Azərbaycan Hüquqşünaslar Assosiasiyasına, nə də şəxsən mənə qarşı ittiham irəli sürülməsə də, təşkilatın hesabı dondurulmuşdu, mənə isə ölkədən çıxış qadağan edilmişdi", - Ə.Hacıbəyli bildirib.
O, beş il məhkəmələr vasitəsilə bu qadağaların ləğvinə çalışıb. 2017-ci ilin noyabrında keçirilən iclasların birində Ə.Hacıbəyli bərk əsəbiləşib və onun göz təzyiqi 210-a qalxıb.
"Bir gözümün görmə qabiliyyətini uşaqlıqda itirmişəm, təzyiqin kəskin yüksəlməsi nəticəsində sağlam gözümdə problem yarandı. Yerli həkimlər göz qişasını yaxşı bərpa edə bilmədilər və fəsadlar yarandı. Azərbaycanda həkimlər bu fəsadları aradan qaldıra bilmirlər, xaricə isə buraxmadılar", -Ə.Hacıbəyli deyib.
2018-ci ilin dekabrında AİHM ona qoyulmuş qadağanın qanunsuz olduğunu tanıdıqdan sonra da ölkədən çıxışına icazə verilməyib. Ötən həftə isə məhkəmə 2014-cü ildə tətbiq edilmiş qadağanı ləğv edib
Hazırda hüquqşünas bu mürəkkəb əməliyyatı Türkiyədə etdirmək üçün 3 min dollar toplayır. Əməliyyatın yubanması görmə qabiliyyətinin tam itirilməsinə səbəb ola bilər.
Hakimiyyət müstəqil vətəndaş cəmiyyəti institutlarının fəaliyyətinə müdaxilə etməzdən öncə Azərbaycan Hüquqşünaslar Assosiasiyası hüquqi maarifləndirmə sahəsində böyük işlər görüb, aztəminatlı insanlara pulsuz hüquqi yardım göstərib.
Bundan əlavə, bu QHT gənc hüquqşünaslar üçün tədris proqramları hazırlayıb, sonradan həmin hüquqşünasların çoxu vəkil, prokuror, hakim olub.
Ə.Hacıbəyli fəal vətəndaş mövqeyinə görə təzyiqlərə məruz qalıb. 2005-ci ildə onun və digər tanınmış hüquqşünas və hüquq müdafiəçisi İntiqam Əliyevin Vəkillər Kollegiyasına üzv olmasından imtina edilib. 2018-ci ilin aprelində AİHM kollegiyanın bu qərarının qanunsuz olduğunu tanıyıb.-06D--
Cəmiyyət
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
-
Cümə axşamı paytaxtda hava tutqun olacaq, səhər az yağış yağa bilər. Mülayim cənub-şərq küləyi əsəcək. Havanın temperaturu gecə müsbət 8 +10, gündüz müsbət 12 + 15 dərəcə olacaq. Rütubət gecə və gündüz rütubət 65-75 faiz olacaq.
-
Noyabrın 12-də Bakıda Birləşmiş Millətlər Təşkilatının (BMT) İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) liderlərin toplantısı başlayıb. "Euronews" telekanalı BMT-dəki mənbələrə istinadən bildirir ki, tədbirdə 100-ə yaxın dövlət başçısı iştirak edir.
Rəy yaz