Niyaməddin Əhmədov
Bakı/01.10.21/Turan: Həbsdə olan Xalq Cəbhəsi Partiyasının fəalı Niyaməddin Əhmədovun vəkili Zibeydə Sadıqova müvəkkilinin aclıq etməsi barədə məlumatı şərh etməyib.
“Mənim onunla görüşümə şərait yaratmırlar, buna görə onun aclıq edib-etməməsi barədə dəqiq məlumata malik deyiləm”, deyə o, Turan-a bildirib.
Xatırladaq ki, Əhmədov barəsində məhkəmə davam edir və məhkəmənin sonuncu iclasında (22 sentyabr) prokuror onun uydurma terrorçuluğu maliyyələşdirmə ittihamı ilə 15 il müddətinə azadlıqdan məhrum edilməsini istəyib.
Bu zaman Əhmədov məhkəməyə etiraz əlaməti olaraq aclığa başlayacağını bildirib.
Sentyabrın 23-də Əhmədov Penitensiar Xidmətin xəstəxanasına köçürülüb, amma vəkil onun yanına buraxılmayıb, hətta telefonla danışmasına belə icazə verilməyib.
“Bu gün bir daha Müəssisə ilə əlaqə yaratmağa çalışdım, mənə dedilər ki, Əhmədov COVİD-19-a yoluxub, karantindədir, danışdıra bilməzlər”, deyə vəkil bildirib.
Eyni zamanda, Əhmədovun atası iddia edir ki, oğlu ədalətsiz məhkəməyə etiraz əlaməti olaraq aclığa başlayıb.
* Xatırladaq ki, Əhmədov 2020-ci il aprelin 15-də saxlanılıb. Növbəti gün məhkəmə onu İnzibati Xətalar Məcəlləsinin 211 (karantin rejimini pozma) və 535-ci (polisə tabe olmama) maddələri ilə təqsirli bilərək 30 gün müddətinə həbs edib.
Sonradan o, Cinayət Məcəlləsinin 214-1-ci (terrorçuluğu maliyyələşdirmə) maddəsi ilə ittiham olunub. İstintaq onun Almaniyada yaşayan müxalifətçi Qabil Məmmədovdan “terror aktları törətmək məqsədilə” pul aldığını bildirib.
Əhmədovun həbsinin əsl səbəbi partiya liderinə təzyiq göstərməkdir. Belə ki, istintaq Əhmədovu Əli Kərimliyə böhtan atmağa məcbur etmək istəyib, amma Əhmədov çoxsaylı işgəncələr qarşısında möhkəm dayanıb. Hakimiyyətin bu qədər ciddi təzyiqi Xaql Cəbhəsi Partiyasını məhv etmək ideyasından əl çəkməməsi ilə bağlıdır. -05B-
Cəmiyyət
-
Lider mobil operator milli mətbuatın inkişafına töhfə verməyə davam edir “Azercell Telekom” MMC jurnalistikanın inkişafına, mətbuat nümayəndələrinin peşəkar bacarıqlarının artırılmasına yönəlmiş təşəbbüslərini davam edir. Lider mobil operator 6 dekabr rabitə və informasiya texnologiyaları işçilərinin peşə bayramında bu sahə üzrə yazan jurnalistlər üçün xüsusi təlim təşkil edəcək. Beynəlxalq təlim mərkəzi tərəfindən “Media texnologiyaları: yeniliklər və trendlər” mövzusunda həyata keçiriləcək təlim jurnalistlərə yeni media tendensiyaları və qabaqcıl texnologiyalar haqqında biliklərini dərinləşdirmək imkanı verəcək.
-
Azərbaycanın quru sərhədlərinin bağlı saxlanmasından Milli Məclisin noyabrın 25-də keçirilən iclasında da bəhs edilib. Nazirlər Kabinetinin qərarında bu hal artıq ötən ildən Ümumdünya Səhiyyə Təşkilatının başa çatdığını elan etdiyi koronovirus pandemiyası ilə izah olunsa da, Milli Məclisin İnsan hüquqları komitəsinin sədri Zahid Oruc başqa səbəb göstərib. "Sərhədlərin açılması Rusiya-Ukrayna müharibəsindən 100 minlərlə qeyri-azərbaycanlı qaçqınların ölkəmizə axını ilə nəticələnəcək. O cümlədən, İranda hərbi zərbələrdən canını və sərvətlərini qorumaq üçün 100 minlərlə insan Azərbaycana keçməyə hazırdır. Belə qaçqın dalğasının gətirdiyi humanitar, sosial, mədəni fərqlərin toqquşması siyasi sabitliyi təhdid edə bilər", - o vurğulayıb.
-
Çərşənbə axşamı Baş Prokurorluq xaricdəki gəlirlərini gizlədən kənd təsərrüfatı məhsulları ixracçıları barəsində açılan yeni cinayət işləri haqqında məlumat yayıb.
-
Noyabrın 27-də Bakının və Abşeron yarımadasının bəzi yerlərində arabir leysan xarakterli yağış yağacağı gözlənilir, bu barədə sinoptiklər məlumat yayıb. Yarımadanın ayrı-ayrı yerlərində intensivləşəcəyi, şimşək çaxacağı ehtimalı var. Mülayim şimal-qərb küləyi əsəcək. Havanın temperaturu gecə 7-9 dərəcə, gündüz 9-12 dərəcə isti olacaq. Nisbi rütubət 80-90 faiz təşkil edəcək.
Rəy yaz