Bakı/16.01.20/Turan: Vəkillər Kollegiyası baş prokurorun birinci müavini Rüstəm Usubovun müraciəti əsasında vəkil Elçin Sadıqovun barəsində başlanmış intizam icraatına xitam verib. Bu barədə Turan-a E.Sadıqov özü məlumat verib.
Kollegiya həmçinin onun vəkillik fəaliyyətinin fərdi formada (vəkil bürosunun tərkibində iştirak etmədən) davam etdirilməsi ilə bağlı müraciətini də təmin edib. Bundan əlavə, E.Sadıqov Azərbaycan vəkilliyinin 100 illiyinə həsr olunmuş medalla layiq görülüb. O bu qərarlara kollegiya rəhbərliyinə təşəkkür edib.
Xatırladaq ki, E.Sadıqov hüquq müdafiəçisi Oqtay Gülalıyevin avtomobillə vurulmasına dair videogörüntü ilə bağlı Facebook-da şəxsi fikrini ifadə etdiyinə görə baş prokurorun birinci müavini onu cəzalandırmaq istəmişdi. Belə ki, E.Sadıqov ehtimal edib ki, hüquq müdafiəçisi avtomobillə qəsdən vurulub.–06D-
Cəmiyyət
-
Qazaxıstan Nəqliyyat Nazirliyinin "Azərbaycan Hava Yolları"nın (AZAL) Aktauda qəzaya uğrayan təyyarəsi ilə bağlı təhqiqata dair ilkin hesabatı bu məsələ ətrafında müzakirələri yenidən gündəmə daşıdı. Qəza Qazaxıstan ərazisində baş verdiyindən təhqiqatı da həmin ölkənin apardığı bildirilir.
-
Azərbaycanın Rəqəmsal İnkişaf və Nəqliyyat Nazirliyi faktiki olaraq təsdiqləyib ki, Prezident İlham Əliyevin rəsmi təyyarəsi “Bakı-1” 25 dekabr tarixində Müstəqil Dövlətlər Birliyinin (MDB) qeyri-rəsmi sammitində iştirak etmək üçün Sankt-Peterburqa uçuş zamanı xarici texniki müdaxiləyə məruz qalıb. Bu açıqlama, hadisənin detalları və Rusiya hava məkanında GPS siqnalının itirilməsi ilə bağlı xəbərlər fonunda diqqət mərkəzinə düşüb.
-
Yardımlı rayonunun İranla sərhədində 20 kiloqram narkotik vasitə və psixotrop maddə aşkarlanıb. Bu barədə Daxili İşlər Nazirliyinin mətbuat xidmətinin Lənkəran regional qrupu bildirib.
-
Fevralın 6-da Bakıda və Abşeron yarımadasında günün birinci yarısında bəzi yerlərdə çiskinli yağış yağacaq. Arabir güclənən şimal-qərb küləyi əsəcək.
Rəy yaz