Bu gün Şəkidə İsmayıllı hadisələri ilə bağlı məhkəmədə vəkillər çıxış ediblər. Zalda ABŞ, Fransa, Norveç səfirliklərinin və Aİ-nin nümayəndələri iştirak ediblər.
Vəkil Aydın Qafarov bildirib ki, müvəkkili, yerli sakin Məmmədova qarşı heç bir dəlil yoxdur. Polis bölməsində ondan digər müttəhimləra qarşı yalançı şahidlik etməsini istəyiblər. İmtina etdikdən sonra onun özünü iğtişaşlarda ittiham ediblər.
Vəkil İslam İsmayılov da müvəkkili Elşən İsmayıllının təqsirsiz olduğunu bildirib. İstintaq onu ReAl lideri İlqar Məmmədovun və “Müsavar” partiyasının sədr müavini Tofiq Yaqublunun “əlbiri” kimi təqdim etməyə çalışıb.
Vəkil həmçinin istintaqın 220.1 (kütləvi iğtişaşlar) və 315.2-ci (polisə həyat və sağlamlığa təhlükə yaradan güc tətbiqi ilə müqavimət göstərmək) maddələr üzrə ittihamları yanlış tövsif etdiyini bildirib. Vəkil heç bir polisin ciddi xəsarət almadığına diqqət çəkib.
Aydın Cabbarovun və Etibar Ağamalıyevin hüquqlarını müdafiə edən vəkil Səfərəli Süleymanov da müvəkkillərinin təqsirsiz olduğunu bildirib. O, ibtidai istintaqda keçmiş əmək naziri Füzuli Ələkbərovun istintaqa təzyiq göstərdiyinə diqqət çəkib, belə ki, iğtişaşlar zamanı onun oğlunun oteli yandırılıb.
Vəkil Firudin Qurbanov müvəkkilləri Elşən Qurbanov və Xəyal Şaranovun təqsirsiz olduğunu bəyan edib.
O, Qurbanovun əlil olduğunu və fiziki nöqteyi-nəzərdən iğtişaşlarda iştirak edə bilməyəcəyini qeyd edib.
“Çıraq” oteli nəzdində inşaatda işləyən Şaranov isə mebeli yanğından mühafizə etmək məqsədilə çıxarıb. Şaranov həbs edildiyi üçün hamilə olan həyat yoldaşı stres keçirib və sağlamlığında problemlərlə dünyaya gələn uşağın təcili əməliyyata ehtiyacı var, lakin ailə başçısı həbsdədir.
Fasilədən sonra digər vəkillər çıxış edəcəklər.
* 23-24 yanvar 2013-cü il tarixində İsmayıllıda kütləvi iğtişaşlar baş verib. Buna icra hakimiyyəti başçısının qohumları və yaxınları olan bir qrup şəxsin xoşagəlməz davranışları səbəb olub. Bu, yerli sakinlərin qəzəbinə və etirazlarına səbəb olub, onlar “Çıraq” otelini yandırıblar, daha sonra şəhərdə polis və icra hakimiyyəti başçısının istefasını tələb edən yerli sakinlər arasında qarşıdurmalar olub. -06/27D-
Cəmiyyət
-
Bu ay Bakıda Laser Beauty Clinic özəl klinikasında ixtisassız həkimlər tərəfindən qanunsuz cərrahi əməliyyatların aparılması halları aşkar edilib. Nəticələr barədə Səhiyyə Nazirliyinin Analitik Ekspertiza Mərkəzi bildirib. Mərkəz vətəndaşların şikayətlərindən sonra klinikada yoxlama aparıb.
-
Turana bu barədə məlumatı məhkəmədən təsdiq ediblər. Belə ki, yazıçı Sürəyya Ağayeva tərəfindən xüsusi ittiham qaydasında Cinayət Məcəlləsinin 147.2 (böhtan) və 148-ci (təhqir) maddələri ilə məhkəməyə verilib. Onun barəsində başqa yerə getməmək haqqında iltizam alındığı deyilir.
-
Hərbi ekspert, dövlət telekanallarının daimi qonağı Ədalət Verdiyevə qarşı hərbi sirrin açıqlanması üzrə ciddi ittiham irəli sürülüb. Bu ittihamla (Cinayət Məcəlləsinin 308-ci maddəsi) əgər günahkar açıqlamanın qərəzsizliyini sübut edərsə, 3-7 il həbs cəzasına məhkum edilə bilər. Ağırlaşdırılmış halda cəzanın müddəti 4-8 il azadlıqdan məhrumetmə ola bilər.
-
Noyabrın 28-də Bakıda və Abşeronda yağış yağacağı gözlənilir, Milli Hidrometeorologiya Xidmətinin sinoptikləri bildiriblər. Lakin Bakıda yağışla bağlı bugünkü proqnoz özünü doğrultmayıb.
Rəy yaz