Bakı/11.12.19/Turan: Vəkillər Kollegiyası vəkil Elçin Sadıqovdan şikayət və intizam komissiyasında bu şikayətə baxılması haqqında məlumatı təsdiq edib.
Kollegiyanın rəyasət heyətinin apparatının əməkdaşı Sənan Şirinov Turan agentliyinə bildirib ki, şikayətin müəllifi və məzmunu haqqında məlumatı açıqlaya bilməz. "Bu barədə intizam komissiyasının üzvləri və vəkil özü məlumatlandırılıb", deyə Şirinov bildirib.
Sadıqov şikayəti baş prokurorun birinci müavini Rüstəm Usubovun verdiyini bildirmişdi. Şikayət Sadıqovun Facebook-da hüquq müdafiəçisi Oqtay Gülalıyevin qəsdən avtomobillə vurulması haqqında şəxsi fikrini bildirdiyi statusu ilə bağlı verilib.
Prokurorluq Usubovun vəkildən şikayət verməsi faktı ilə bağlı şərh verməyib. -21В-
Cəmiyyət
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
-
Cümə axşamı paytaxtda hava tutqun olacaq, səhər az yağış yağa bilər. Mülayim cənub-şərq küləyi əsəcək. Havanın temperaturu gecə müsbət 8 +10, gündüz müsbət 12 + 15 dərəcə olacaq. Rütubət gecə və gündüz rütubət 65-75 faiz olacaq.
-
Noyabrın 12-də Bakıda Birləşmiş Millətlər Təşkilatının (BMT) İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) liderlərin toplantısı başlayıb. "Euronews" telekanalı BMT-dəki mənbələrə istinadən bildirir ki, tədbirdə 100-ə yaxın dövlət başçısı iştirak edir.
Rəy yaz