Açiq mənbələrdən foto.
Bakı/22.06.20/Turan: Azərbaycan vətəndaş cəmiyyəti nümayəndələri koronavirus pandemiyası ilə əlaqədar dövlət sərhədinin bağlanması şəraitində ölkə vətəndaşlarının vətənə qayıtması məsələsinin həlli üçün bir sıra addımlar atılması haqqında razılıq əldə ediblər.
Xüsusən, Azərbaycan hökumətinə ölkə vətəndaşlarının vətənə qayıtmasını təmin etmək tələbi yer alan müraciətə imzatoplama kampaniyasına başlamaq, Dağıstanda sərhəddə cəmləşmiş həmvətənlərimizə yardım üçün vəsait yığmaq, habelə beynəlxalq və yerli hüquq müdafiə təşkilatlarını məsələnin həllinə cəlb etmək nəzərdə tutulur.
Bu təşəbbüslər Reportyorların Azadlıq və Təhlükəsizlik İnstitutu tərəfindən bazar günü təşkil edilmiş videokonfransda irəli sürülüb. Tədbir iynun 16-da Rusiya-Azərbaycan sərhədində Azərbaycan hakimiyyətinin vətənə buraxmaqdan imtina etdiyi azərbaycanlı miqrantların qiyamına həsr olunmuşdu.
Rusiyanın asayiş qüvvələri ilə qarşıdurmalar nəticəsində onlarla etirazçı və yeddi polis yaralanıb, həbslər olub, faktla bağlı cinayət işi açılıb.
Videokonfrans iştirakçıları baş verənlərə görə təqsiri ilk növbədə milli və beynəlxalq qanunvericiliyi pozaraq, qanunsuz olaraq öz vətəndaşlarının ölkəyə girişinin qarşısını alan Azərbaycan hakimiyyətini üzərinə qoyublar. Həmçinin, ümidsiz insanlara qarşı hədsiz güc tətbiq edən Rusiyanın asayiş qüvvələri də tənqidə məruz qoyulub.
Hazırda müxtəlif ölkələrdə hakimiyyətinin qanunsuz əməlləri səbəbindən vətənə qayıda bilməyən minlərlə Azərbaycan vətəndaşı buna bənzər vəziyyətdədir. Onların çoxları maliyyə problemləri və digər problemlər yaşayırlar, amma Azərbaycan dövlətinin yardımından məhrumdurlar.
Videokonfransda Azərbaycanın vətəndaşların vətənə çatdırılması üçün zəruri maddi və texniki vasitələrə malik olduğu qeyd edilib və hakimiyyətdən həmvətənləri qarşısında borcunu yerinə yetirməsi tələb edilib. -0-
Cəmiyyət
-
Azərbaycanın quru sərhədlərinin bağlı saxlanmasından Milli Məclisin noyabrın 25-də keçirilən iclasında da bəhs edilib. Nazirlər Kabinetinin qərarında bu hal artıq ötən ildən Ümumdünya Səhiyyə Təşkilatının başa çatdığını elan etdiyi koronovirus pandemiyası ilə izah olunsa da, Milli Məclisin İnsan hüquqları komitəsinin sədri Zahid Oruc başqa səbəb göstərib. "Sərhədlərin açılması Rusiya-Ukrayna müharibəsindən 100 minlərlə qeyri-azərbaycanlı qaçqınların ölkəmizə axını ilə nəticələnəcək. O cümlədən, İranda hərbi zərbələrdən canını və sərvətlərini qorumaq üçün 100 minlərlə insan Azərbaycana keçməyə hazırdır. Belə qaçqın dalğasının gətirdiyi humanitar, sosial, mədəni fərqlərin toqquşması siyasi sabitliyi təhdid edə bilər", - o vurğulayıb.
-
Çərşənbə axşamı Baş Prokurorluq xaricdəki gəlirlərini gizlədən kənd təsərrüfatı məhsulları ixracçıları barəsində açılan yeni cinayət işləri haqqında məlumat yayıb.
-
Noyabrın 27-də Bakının və Abşeron yarımadasının bəzi yerlərində arabir leysan xarakterli yağış yağacağı gözlənilir, bu barədə sinoptiklər məlumat yayıb. Yarımadanın ayrı-ayrı yerlərində intensivləşəcəyi, şimşək çaxacağı ehtimalı var. Mülayim şimal-qərb küləyi əsəcək. Havanın temperaturu gecə 7-9 dərəcə, gündüz 9-12 dərəcə isti olacaq. Nisbi rütubət 80-90 faiz təşkil edəcək.
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
Rəy yaz