Photo TURAN.
Wolt şirkətinin bir qrup kuryeri tətili davam etdirir
Bakı/06.09.22/Turan: Bakıda "Wolt" şirkətinin bir qrup kuryeri artıq 6 gündür ki, tətili davam etdirir.
Onların Həmkarlar İttifaqının fəalı Afiyəddin Məmmədov sentyabrın 6-da Turan-ın müxbirinə bildirib ki, kuryerlərin üç əsas tələbi var.
1. İkili sifarişlərdə hər bir sifariş üçün ayrı-ayrılıqda ödəniş edilməlidir;
2. Çatdırılma tarifi hər 100 metr üçün 3 qəpikdən 6 qəpiyə qaldırılmalıdır.
3. Yol xəritəsi "Waze" və "Google Maps" kimi tanınmış, etibar olunan proqramlarla təmin olunmalıdır.
"Bu üç şərt təmin olunana qədər kuryerlərin boykotu davam edəcək", deyə Afiyəddin Məmmədov bildirib.
Onun sözlərinə görə, 2 min kuryerdən 1200-ü tətildə iştirak edir.
Xatırladaq ki, "Wolt" şirkəti 2022-ci il avqustun 29-dan etibarən kuryerlərə ödənilən daşınma haqqını endirib.
Kuryerlərin sözlərinə görə, iki il əvvəl şirkətin standart çatdırılma qiyməti 1 km məsafə üçün 1.90 manat olub. Bu məbləğ iki il ərzində 1.60 manata endirilib.
"Wolt" kuryer xidməti Azərbaycanda 2019-cu ildən fəaliyyət göstərir.
Qeyd edək ki, tətil başladıqdan sonra Wolt şirkətinin nümayəndəsi Tofiq Süleymanov bildirib ki, yeni ödəniş modelinə əsasən, kuryerin restorana/mağazaya qədər qət etdiyi məsafə naviqatora əsasən hesablanır. Əvvəllər məsafə düz xətt üzrə hesablanırdı, indi isə naviqatorun müəyyən etdiyi marşrut üzrə müəyyən edilir.
Süleymanovun iddiasına görə, yeni sistem kuryerlərin özlərinin xahişi ilə tətbiq edilib.
O, həmçinin eyni ünvana iki sifariş çatdırıldığı zaman kuryerin yalnız bir sifariş üçün ödəniş aldığı barədə iddiaları təkzib edib.
Şirkətin menecerinin sözlərinə görə, kuryerin bir saatlıq orta gəliri 5-6 manat olaraq qalır.
"Bu, o deməkdir ki, orta statistik kuryer gün ərzində 8 saatlıq iş üçün 40-50 manat qazanır", deyə Süleymanov bildirib. Onun sözlərinə görə, yeniliklər kuryerlərin gəlirlərini azaltmaq məqsədi daşımırdı. 0
-
- Siyasət
- 6 Sentyabr 2022 15:55
-
- Keçmiş Sovet məkanı
- 6 Sentyabr 2022 17:13
Cəmiyyət
-
İctimai fəal Elmir Abbasov mayın 7-də Bakı Şəhər Baş Polis İdarəsində "Abzas Media" işi üzrə ifadə verib. Bu barədə onun özü məlumat verib. Onun sözlərinə görə, ona verilən müəyyən sualları cavablandırıb.
-
Azərbaycanın lider telekommunikasiya şirkəti Azercell 2023-cü il üzrə ESG (ekologiya, sosial və idarəetmə) hesabatını təqdim edir Azercell media nümayəndələri və aidiyyatı tərəfdaşlar üçün təşkil etdiyi “Davamlı bağlantı üçün dayanıqlı inkişaf: Azercell-in illik ESG hesabatının təqdimatı” adlı tədbirində Dayanıqlılıq hesabatını ictimaiyyətə açıqladı.
-
Sumqayıt şəhər "Evdə" fərdi təhsil məktəbində yol verilən qanunsuzluqlarla bağlı vətəndaş müraciəti əsasında şəhər prokurorluğunda araşdırma aparılıb. Bu barədə Baş Prokurorluğun yaydığı məlumatda deyilir.
-
Mayın 10-da Qazaxıstanın Almatı şəhərində Azərbaycan və Ermənistan xarici işlər nazirlərinin görüşü gözlənir. Azərbaycan tərəfi görüşün gündəliyini, hələlik, açıqlamayıb. Amma Ermənistanın Xarici İşlər Nazirliyindən (XİN) yerli mediaya bildirilib ki, gündəliyə tərəflərin öhdəliklərinin təsdiqi, eləcə də regional nəqliyyat infrastrukturu və ticarət marşrutlarının bərpası ilə bağlı məsələlər daxil edilib.
Parlament seçkilərinin önə çəkilməsinin əsl səbəb və məqsədləri nə ola bilər? – Mirəli Hüseynov Çətin sualda
Xəbər lenti
-
- Cəmiyyət,
- 15:07
- 293
Rəy yaz