![Xaçmaz sakini bələdiyyəyə namizədliyinin "məcburi şəkildə" irəli sürüldüyündən şikayət edir](https://turan.az/resized/media/2019/main/121200023660-750-500-resize.webp)
Xaçmaz sakini bələdiyyəyə namizədliyinin "məcburi şəkildə" irəli sürüldüyündən şikayət edir
Bakı/12.12.19/Turan: Xaçmaz rayonunun Uzunoba kənd sakini Sayad İsmayılovanın dekabrın 23-də keçiriləcək seçkilərdə bələdiyyə şurası üzvlüyünə namizədliyi ondan xəbərsiz irəli sürülüb.
O, Turana-na bildirib ki, onun namizədliyini Yeni Azərbaycan Partiyası irəli sürüb. Kənd məktəbində müəllim işləyən İsmayılovaya bir neçə dəfə namizədliyini irəli sürmək təklif olunsa da, o, bundan imtina edib.
"Mən imtina etdim, amma yenə də namizədliyimi verdilər", deyə İsmayılova bildirib. O qeyd edib ki, bu özbaşınalıqdan yerli administrasiyaya və bələdiyyəyə müraciət edib, amma nəticəsiz qalıb.
Məsələ ilə bağlı 56 saylı Xaçmaz kənd seçki dairə komissiyası ilə əlaqə saxlasaq da, suallarımıza cavab verməkdən imtina olunub. Amma MSK-nın media və ictimai əlaqələr şöbəsindən bildiriblər ki, İsmayılova özü namizədliyini irəli sürüb, amma daha sonra namizədliyinin ləğv edilməsi haqqında ərizə yazıb.
Seçkilərin Monitorinqi və Demokratiyanın Tədrisi Mərkəzinin icraçı direktoru Məmməd Məmmədzadə hesab edir ki, əhalinin bələdiyyə seçkilərinə marağının aşağı olduğu bir şəraitdə "fəal mübarizə" nümayiş etdirmək üçün yerli hakimiyyət tərəfindən namizədlərin sayı süni şəkildə şişirdilir. Eyni zamanda, müstəqil namizədlərin qeydiyyatına maneə törədilir, bəzi hallarda isə onlar seçkilərdən çəkilməyə məcbur edilir. -21C-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz