![Latviya və Azərbaycan xarici işlər nazirlərinin görüşü](https://turan.az/resized/media/2019/main/121200023659-750-500-resize.webp)
Latviya və Azərbaycan xarici işlər nazirlərinin görüşü
Bakı/12.12.19/Turan: Dekabrın 12-də Riqada Latviya XİN başçısı Edqar Rinkeviçsin Latviyada rəsmi səfərdə olan Azərbaycanın xarici işlər naziri Elmar Məmmədyarovla görüşü keçirilib.
Latviya XİN-in mətbuat xidmətinin məlumatına görə, görüşdə mövcud ikitərəfli əməkdaşlıq, o cümlədən beynəlxalq təşkilatlardakı əməkdaşlıq, Aİ ilə Azərbaycan arasındakı münasibətlər, Şərq Tərəfdaşlığı formatındakı əməkdaşlıq, Cənubi Qafqaz bölgəsində və Dağlıq Qarabağdakı təhlükəsizlik vəziyyəti müzakirə edilib.
Nazirlər Latviya ilə Azərbaycan arasında davam edən fəal siyasi dialoqda və Şərq Tərəfdaşlığı sahəsində əməkdaşlıqda maraqlı olduqlarını bildiriblər, işgüzar əməkdaşlığın və nazirliklər və parlamentlər arasında əlaqələrin inkişaf etdirilməsinin zəruriliyini vurğulayıblar.
Azərbaycan XİN başçısı Latviyaya Azərbaycanın ərazi bütövlüyü və birliyini dəstəklədiyinə görə təşəkkür edib.
Latviya xarici işlər naziri iki ölkə arasındakı iqtisadi əməkdaşlığın yüksəliş tendensiyasının informasiya texnologiyaları sektorunda, təhsil və mədəniyyət sahələrində iş fəaliyyətinin genişləndirilməsi yolu ilə dəstəklənməli olduğunu vurğulayıb.
Səfər çərçivəsində Məmmədyarov həmçinin Latviya prezidenti, parlament sədri və müdafiə naziri ilə də görüşlər keçirib.
Prezident Levitslə görüşdə Məmmədyarov prezident İlham Əliyevin Azərbaycana səfər etmək dəvətini ona çatdırıb. -16D-
-
- Cəmiyyət
- 12 Dekabr 2019 17:40
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz