Bakı/12.12.19/Turan: “EuroHome” tikinti materialları bazarında yanğın zamanı yanan mağazaların icarədarları kompensasiya tələb edir. İcarədarlar artıq bir neçə dəfə etiraz olaraq Bakı-Sumqayıt avtomobil yolunu bağlamağa cəhd ediblər.
İcarədarlardan biri bildirib ki, onun mağazasında yarım milyon manatdan çox dəyəri olan tikinit materialı yanıb.
Müşahidəçilər isə tikinti bazarında icarədarlara dəyən ziyanın on milyonlarla manat olduğunu bildirir. Mağazaların və tikinit bazarının sığortasının olub-olmaması barədə məlumat verilmir.
Dekabrın 10-da Binəqədi rayonunda yerləşən tikinti materialları bazarında yanğın baş verib. Fövqəladə Hallar Nazirliyinin məlumatına görə, səhər saatlarında baş verən yanğının söndürülməsi üçün 5 briqada və 3 helikopter cəlb olunub. İlkin hesablamaya əsasən, təxminən 5 hektar bazar ərazisinin 2 hektarı yanıb.
İcarədarlardan biri deyib ki, Fövqəladə Hallar Nazirliyinin əməkdaşları yanğından bir neçə gün əvvəl mağazalardakı yanğınsöndürən şitləri yoxlayıb və yanğından mühafizə xətlərində suyun gəlmədiyi aydın olub, amma tədbir görülməyib.
Binəqədi rayon İcra Hakimiyyəti başçısı Elxan Allahverdiyev icəradarlara 13-14 dekabrda onlarla görüç keçirəcəyini deyib. -0-
Cəmiyyət
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
Rəy yaz