Açiq məmbələrdən foto.
Bakı /06.05.20/Turan: Xaçmaz rayonunun Ağarəhim Oba və Köhnə Xaçmaz kəndlərinin sakinləri Çərşənbə günü rayon İcra Hakimiyyətinin binası qarşısında aksiya keçiriblər. Onlar su, qaz qıtlığı və digər sosial problemlərdən şikayətləniblər.
“Suyumuz, qazımız yoxdur, yollar pis vəziyyətdədir. Bələdiyyə isə 10 ildən çox fəaliyyət göstərsə də problemlərin həlli ilə məşğul olmur. Mart ayında qazımız çəkilməli idi, hələ də ortada heç nə yoxdur. Su yoxdur deyə əkdiyimiz ağaclar quruyub. Kanalda su var. Varsa, suvarma su niyə buraxılmır? Hər il su olurdu bu il niyə yoxdur? Səbəbi bizə izah etsinlər", - Ağarəhim Oba kəndinin sakini bildirib.
Köhnə Xaçmaz sakinləri da suyun olmamasından əziyyət çəkdiklərini bildirib.
“Biz bura gəlmişik ki, icra başçısı bizə köməklik etsin. Sutkalarla suyumuz gəlmir", - kənd sakinlərindən biri deyib.
Hadisə yerinə gələn polis əməkdaşları Samux-Abşeron su kanalında suyun əvvəlki səviyyədə olmadığını bildiriblər. “Bu il su azdır deyə, sizə də su daha az verilir. Su ədalətli bölünməlidir. Bunu nəzarətdə saxlayacayıq", - polisin nümayəndəsi bildirib.
Öz növbəsində İcra Hakimiyyəti başçısının müavini Bəxtiyar Osmanov bildirib ki, dünən Xaçmazın bütün kəndlərinə suvarma suyu verilib. Onun sözlərinə görə, qrafik tərtib edilib.
“Rayona 12 kub metr su verilməlidir, amma su qıtlığı olduğuna görə 3,5 kub metr verilir. Bir neçə gün sonra su bol olacaq və bu problem həll olunacaq”, - məmur sakinləri əmin edib. —06D—
Cəmiyyət
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
-
Ölkənin lider mobil operatoru davamlılıq və innovasiya mövzusuna həsr olunmuş mühüm sessiyada iştirak etdi 13-14 noyabr tarixlərində Bakıda "Azercell Telekom" MMC-nin dəstəyi ilə keçirilən 15-ci Davamlı İnnovasiya Forumu uğurla yekunlaşdı. İqlim dəyişikliklərinə həsr olunmuş qlobal tədbirlərin önəmli bir hissəsi olan bu forum biznes, maliyyə, dövlət qurumları və qeyri-hökumət təşkilatlarından 1000-ə yaxın sahə liderini bir araya gətirməyə müvəffəq oldu. Forum iqlim problemlərinin həlli, davamlı inkişaf təşəbbüsləri və innovativ həllərin müzakirəsi üçün effektiv platforma rolunu oynadı.
Rəy yaz