Cəmil Məmmədli
Bakı/29.03.21/Turan: Bu gün Xaçmaz rayon Məhkəməsində hakim Anar Sadıqovun sədrliyi ilə Quba rayon İcra Hakimiyyəti başçısı Ziyəddin Əliyevin jurnalist Cəmil Məmmədliyə qarşı xüsusi ittiham qaydasında verdiyi iddia ərizəsinə baxış başlayıb. Vəkilin vəsatəti əsasında ərizəyə baxış iclası aprelin 2-dək təxirə salınıb.
Vəkil Şahin Mütəllimov Turan-a bildirib ki, məhkəmə iclası açıq elan edilsə də, iclas zalına heç kim buraxılmayıb. “Hakim pandemiya səbəbindən iclas zalına insanları buraxmadığını bildirdi. Halbuki məhkəmənin digər iclas zallarına insanlar buraxılırdı. Bu halda vəsatət verdim ki, digər iclas zallarındakı məhkəmə iclaslarının video görüntüləri təqdim edilsin. Hansı səbəbdən eyni vaxtda keçirilən digər açıq məhkəmə iclaslarına insanlar buraxılır, amma jurnalistin məhkəmə prosesi açıq olsa da, insanlar zala buraxılmır”, deyə o qeyd edib. Bununla yanaşı, hakim məhkəmə prosesinin video və audio yazısının aparılması barədə vəsatəti təmin edib.
Quba rayon icra hakimiyyəti başçısı Ziyəddin Əliyev müstəqil jurnalist Cəmil Məmmədlini xüsusi ittiham qaydasında məhkəməyə verib. O, jurnalistin Cinayət Məcəlləsinin 147-2-ci (ağır, xüsusilə ağır cinayətdə ittiham etməklə böhtan atma) maddəsi ilə xüsusi ittiham qaydasında məsuliyyətə cəlb edilməsini məhkəmədən xahiş edir.
“Əslində prokurorluq orqanları mənim Yutub kanalımda və Feysbuk səhifəmdə yaydığım araşdırmalarda əksini tapan faktlara hüquqi qiymət verməlidir”, deyə Məmmədli Turan-a bildirib. Jurnalist yerli sakinlərə əsaslanaraq bildirib ki, hazırda onun araşdırmaları ilə bağlı Baş Prokuror yanında Korrupsiyaya qarşı Mübarizə Baş İdarəsində araşdırma aparılır.
Bununla yanaşı, Baş Prokurorluqdan Quba rayon İcra Hakimiyyəti baçısı ilə bağlı araşdırma aparılıb-aparılmadığını öyrənmək mümkün olmayıb.
Məmmədli ölkənin şimal bölgəsində baş verən hadisələri işıqlandıran müstəqil jurnalist kimi məşhurdur. O, uzun müddət “Azadlıq Radiosu”nun Azərbaycan xidmətinin bölgə müxbiri olub. -03B06-
Cəmiyyət
-
Azercell “Həyatı daha dolğun edirik: qadınlara dəstək proqramı”nın qaliblərinə qrant ayırdı Qadınların ictimai həyatda fəallığının artırılmasına yönəlik sosial layihə müsabiqəsinin final mərhələsi baş tutdu. Layihələrin dəyərləndirilməsi zamanı münsiflər heyəti dayanıqlı, daha geniş sosial kütlələrə faydalı olan, eləcə də rəqəmsal inklüzivliyin təşviqinə, texnoloji həllər vasitəsilə həyat səviyyəsinin daha da yüksəldilməsinə töhfə verən layihələrə üstünlük verdi.
-
Bir neçə gün davam edən isti havadan sonra 3 noyabr axşamdan 4 noyabr axşama qədər ölkə ərazisində hava pisləşməyə başlayacaq.
-
Azərbaycanda bu ilin sonunda bələdiyyə seçkiləri keçirilməli olsa da, hələ tarixi açıqlanmayıb. Mövcud qanunvericiliyə görə, seçkilər səsverməyə azı 60 gün qalmış elan edilməlidir. Amma Mərkəzi Seçki Komissiyası (MSK) onun tarixi ilə bağlı, hələlik, heç bir açıqlama verməyib.
-
Noyabrın 2-də Bakıda və Abşeronda havanın temperaturu gündüz +23 dərəcəyə yüksələcək. Gecə müsbət 11+14 dərəcə olacaq. Rütubət gecə 70-75, gündüz 45-50 faiz olacaq, Milli Hidrometeorologiya Xidməti sinoptikləri bildiriblər.
Rəy yaz