Açiq mənbələrdən foto.
Bakı/29.03.21/Turan: Son üç gündə ölkə sərhədçiləri İran-Azərbaycan sərhədində narkokuryerlərdən ümumilikdə 45 kiloqramdan çox narkotik maddə götürüb.
Sərhəd Xidmətinin mətbuat xidmətinin məlumatına görə, martın 27-də sərhədçilər Cəlilabad rayonunun Sərxanlı kəndi yaxınlığında iki sərhəd pozucusunu müşahidə edib. Onlar “dayan” əmrinə tabe olmayaraq qaçıblar.
Hadisə yerində yoxlama zamanı içərisində 12 kiloqram heroin, metamfetamin, marixuana, metadon və digər maddələr olan bir neçə bağlama aşkar edilib.
Martın 28-də Beyləqan rayonunun Aşağı Çəmənli kəndi yaxınlığında yerləşən sərhəd zastavasının xidməti sahəsində sərhədçilər Bakı sakini Ramin Məmmədovu saxlayıb. Onun baqajına baxış zamanı 16 kiloqrama yaxın tiryək, 5 kiloqram həşiş, 4,5 kiloqram metamfetamin, 4,4 kiloqram heroin, 2,6 kiloqram marixuana, 300 ədəd metadon həbi aşkar edilib.
Martın 29-da Astara şəhəri yaxınlığında sərhədçilər İran tərəfindən sərhədi pozan şəxsi müşahidə ediblər. “Dayan” tələbinə cavab olaraq o, əlindəki əşyanı yerə ataraq geriyə qaçıb. Hadisə yerində 1 ədəd bağlama içərisində 2420 ədəd metadon həbi aşkar edilib. -02D-
Cəmiyyət
-
Yanvarın 29-da Azərbaycanda bələdiyyə seçkiləri keçirildi. 118 dairə üzrə seçkilərdə 16 mindən çox namizəd iştirak etdi. Mərkəzi Seçki Komissiyasının (MSK) saytında artıq lider namizədlərin adları açıqlanıb. Seçkidən saatlar sonra isə MSK sədri Məzahir Pənahov brifinqdə bildirmişdi ki, 685 bələdiyyənin 413-ü artıq formalaşmış hesab edilir, lider namizədlərin sayı 7 min 791 nəfərdir. Onun sözlərinə görə, bütün dairələrdə seçkilər normal keçib və rəhbərlik etdiyi quruma heç bir şikayət daxil olmayıb. Halbuki, müstəqil namizədlər və ekspertlər seçkilərin gedişatında pozuntuların olduğunu deyirlər.
-
Cümə günü paytaxtda hava dəyişkən olacaq, yağış gözlənilmir.Cənub-şərq küləyi əsəcək. Havanın temperaturu gecə müsbət 5 +7, gündüz müsbət 8 + 12 dərəcə olacaq. Rütubət 70-80 faiz olacaq.
-
Yanvarın 30-da Bakıda aydınlaşdırma ilə buludlu olacaq, gün ərzində Abşeron yarımadasında az yağıntı ola bilər. Külək cənub-şərq olacaq. Gecə havanın temperaturu +4 - dən +7c-ə, gündüz isə +8-dən +12C-ə qədər olacaq.havanın rütubəti 70-80% olacaq.
-
Azərbaycan hakimiyyəti keçmiş Rusiya hakimi Yelena Xaxalevanı Bakı Beynəlxalq Hava Limanında saxlayıb. Bu barədə məlumat Rusiyanın Baş Prokurorluğuna və Daxili İşlər Nazirliyinə təsdiqlənib. Saxlanılma xəbəri ilk olaraq Kommersant və İzvestiya tərəfindən mənbələrə istinadən yayımlanıb və daha sonra RIA Novosti və TASS vasitəsilə hüquq-mühafizə orqanlarından təsdiq alıb.
Rəy yaz