![Xədicə İsmayılovanın şikayətinə sentyabrın 20-də baxılacaq](https://turan.az/resized/media/2019/main/091300021680-750-500-resize.webp)
Xədicə İsmayılovanın şikayətinə sentyabrın 20-də baxılacaq
Bakı/13.09.19/Turan: Bu gün Bakı Apellyasiya Məhkəməsində araşdırmaçı-jurnaist Xədicə İsmayılovanın şikayəti üzrə hazırlıq iclası keçirilib.
Şikayət Binəqədi Rayon Məhkəməsinin 2019-cu il 9 avqust qərarından verilib. Belə ki, məhkəmə sınaq müddətinin ləğv olunması barədə jurnalistin vəsatətini təmin etməyib.
Jurnalist Apellyasiya Məhkəməsindən məlum qərarın ləğvini və onun sınaq müddətindən azad olunmasını xahiş edir.
X.İsmayılova bildirib ki, şikayətə mahiyyəti üzrə baxılma sentyabrın 20-də olacaq.
Korrupsiya faktlarının araşdırılması ilə tanınan X.İsmayılova 2014-cü ilin dekabrında həbs edilib. Sonradan iqtisadi cinayətlərdə ittiham olunaraq 7,5 ilmüddətinə mühakimə edilib. 2016-cı ilin mayında Ali Məhkəmə onun real həbs müddətini beş il sınaq müddəti olmaqla 3,5 il şərti cəza ilə əvəzləyib. 2016-cı ilin avqustunda Bakı Apellyasiya Məhkəməsi sınaq müddətini dəyişməyərək şərti cəzanın müddətini 2 il 3 ayadək azaldıb.
Bundan öncə X.İsmayılova Facebook-da yazıb ki, ona təyin edilən cəza müddəti başa çatıb. Bundan əlavə, 2015-ci il noyabrın 25-dən hesablanan beşillik sınaq müddətinin böyük hissəsi başa çatıb. Bütün bunları nəzərə alaraq o, sınaq müddətinin dayandırılmasına və məhkumluğun üzərindən götürülməsinə təkid edir.
Sınaq müddəti X.İsmayılovanın hər ay Binəqədi rayonu icra və probasiya şöbəsində qeydiyyatdan keçməsini nəzərdə tutur və onun xaricə çıxışını qadağan edir.-05D06-
-
- İqtisadiyyat
- 13 Sentyabr 2019 13:28
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz