Açiq mənbələrdən foto.
Bakı/14.07.22/Turan: Çərşənbə günü saat 23.00-da Azərbaycan ordusunun hərbi qulluqçusu avtomatdan açılan atəş nəticəsində həlak olub. Bu barədə iyulun 14-də Azərbaycan Baş Prokurorluğu məlumat yayıb. Həlak olan əsgərin adı Ruslan Manafzadədir.
Faktla bağlı Hərbi Prokurorluq CM-in 125-ci (özünü öldürmə həddinə çatdırma) maddəsi ilə cinayət işi açıb. Hadisənin harada baş verdiyi açıqlanmır.
Öz növbəsində, Ermənistanın Müdafiə Nazirliyi iyulun 14-də əsgərinin öldüyü haqqında məlumat yayıb.
Məlumata əsasən, sıravi əsgər, 2003-cü il təvəllüdlü Arsen Manukyanın meyiti saat 10:25-də şərq istiqamətindəki döyüş mövqelərindən birində başından yaralanmış vəziyyətdə tapılıb. Hadisənin hal və şərtləri açıqlanmır. -02D-
Cəmiyyət
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
-
Ölkənin lider mobil operatoru davamlılıq və innovasiya mövzusuna həsr olunmuş mühüm sessiyada iştirak etdi 13-14 noyabr tarixlərində Bakıda "Azercell Telekom" MMC-nin dəstəyi ilə keçirilən 15-ci Davamlı İnnovasiya Forumu uğurla yekunlaşdı. İqlim dəyişikliklərinə həsr olunmuş qlobal tədbirlərin önəmli bir hissəsi olan bu forum biznes, maliyyə, dövlət qurumları və qeyri-hökumət təşkilatlarından 1000-ə yaxın sahə liderini bir araya gətirməyə müvəffəq oldu. Forum iqlim problemlərinin həlli, davamlı inkişaf təşəbbüsləri və innovativ həllərin müzakirəsi üçün effektiv platforma rolunu oynadı.
-
"Təhsil sahəsinin ən böyük problemi komplektləşdirilmiş məktəblərin sayının az olmasıdır". Yerli saytların məlumatına görə, bunu noyabrın 20-də Milli Məclisin Aqrar siyasəti, Ailə, qadın və uşaq məsələləri, Elm və təhsil komitələrinin birgə iclasında "...2025-ci il dövlət büdcəsi haqqında" qanun layihəsinin müzakirəsində elm və təhsil naziri Emin Əmrullayev deyib.
Rəy yaz