Açiq mənbələrdən foto.
Yol polisi sürücüləri əlverişsiz havada ehtiyatlı olmağa çağırıb
Bakı/19.01.21/Turan: Ölkənin yol polisi qarşıdakı iki-üç gün ərzində əlverişsiz hava şəraiti ilə əlaqədar sürücüləri diqqətli olmağa çağırıb. Polis avtomobillərin texniki sazlığını, xüsusilə təkərlərin mövsümə uyğunluğunu təmin etməyə, hərəkət zamanı hava şəraitini düzgün qiymətləndirməyə çağırır.
Nəqliyyat vasitələrinin sürüşmə ehtimalının daha çox olması baxımından sürücülərə hərəkət sürətini artırmamaq, zərurət olmadan ötmə əməliyyatı aparmamaq, qəfil manevrlər və kəskin tormazlama etməmək tövsiyə olunur.
Avtomobilin ban şüşələrini təmizləməklə şüşə silgəclərinin və şüşəyuyanların, habelə xarici işıq cihazlarının işlək vəziyyətdə olmasına əmin olmalı, mühərrikin soyuducu sisteminin və şüşəyuyanın donmayan mayelərlə təchiz olunmasını təmin etmək lazımdır.
“Qarlı, buzlu yollarda nəqliyyat vasitələrini idarəetmə vərdişləri olmayan sürücülərin belə hava şəraitində avtomobil idarə etmələrinin onların özləri və digər hərəkət iştirakçılarının həyat və sağlamlığı üçün təhlükə yaratma ehtimalının yüksək olması nəzərə alınaraq, həmin sürücülərin sükan arxasına əyləşməmələri xahiş olunur”, - müraciətdə deyilir.
Öz növbədinsə Avtomobil Yolları Dövlət Agentliyinin nümayəndəsi Anar Nəcəfli ölkə yollarında buzla mübarizəyə hazır olduqlarını bildirib. Belə ki, 800 ton duz və qum tədarük edilib. Yolların təmizlənməsi üçün 400 ədəd ağır texnika hazırdır.
Xatırladaq ki, yanvarın 20-dən bütün ölkə ərazisində güclü qar yağması gözlənilir. Güclü yağıntılar, külək və temperaturun enməsi yanvarın 22-dək davam edəcək. -02D-
Cəmiyyət
-
Bazar günü, mayın 19-da Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Mülayim cənub-qərb küləyi əsəcək. Havanın temperaturunun gecə 10-13 dərəcə, gündüz 16-20 dərəcə isti olacağı ehtimal edilir, xəbəri Milli Hidrometeorologiya Xidməti yayıb.
-
Mayın 17-də gün ərzində Azərbaycanda kiber üsullarla ən az 22 halda bank kartlarından abunəçilərə məxsus pullar oğurlanıb.
-
Ölkənin lider telekommunikasiya şirkəti 10 tələbəyə şirkətdə yay təcrübə proqramında iştirak etmək hüququ verdi Azercell ADA Universitetinin Karyera Hazırlığı Həftəsində iştirak etdi. Həftə zamanı mobil operatorun təşkil etdiyi seminarlarda, yekun qiymətləndirmə və müsahibələrdə seçilmiş 10 tələbə Azercell-in yay təcrübə proqramına qatılmaq imkanı əldə etdi. Bu təcrübə tələbələrə praktiki bacarıqlar və telekommunikasiya sənayesi ilə tanışlıq qazandıracaq.
-
Fransa Azərbaycanı Yeni Kaledoniyanın daxili siyasətinə müdaxilədə ittiham edib. Bu ölkənin daxili işlər naziri Jerald Darmanen mayın 15-də "France 2" televiziyasına müsahibəsində Yeni Kaledoniya ilə bağlı suala cavab verərkən deyib ki, "Kaledoniyanın müstəqillik tərəfdarlarından bəzi liderləri Azərbaycanla sövdələşiblər, bu, danılmazdır".
Rəy yaz