Açiq mənbələrdən foto.
Bakı/17.02.22/Turan: Fevralın 17-də səhər paytaxtın aeroport yolunda nəqliyyatın hərəkəti yol polisinin tədbirləri nəticəsində bərpa edilib.
Xatırladaq ki, yolu R-Qrup Karqo şirkətinin dörd yük maşını bağlayıb. Bununla onlar beynəlxalq daşımalar üçün yol vərəqələrinə etiraz ediblər.
Şirkətin nümayəndəsi Rəşad Borcalı Turan agentliyinə bildirib ki, aksiyanın səbəbi Dövlət Avtomobil Nəqliyyatı Xidməti məmurlarının korrupsiyasıdır. "20 manatlıq yol vərəqəsinə görə bizdən 300 manat tələb edirlər", - o deyib.
"R Qrup Kargo" ət məhsullarının daşınması ilə məşğuldur. Bu, tez xarab olan məhsuldur, ancaq yol vərəqələrinin verilməsinin yubadılmasına görə mal xarab olur və firma zərərə uğrayır.
Dövlət Avtomobil Nəqliyyatı Xidmətinin tabe olduğu Nəqliyyat və Rəqəmsal Texnologiyalar Nazirliyi isə bu ittihamları rədd edir.
Bundan əlavə, "R Qrup Kargo" şirkətinin rəhbərliyi şantaj və qanunsuz hərəkətlərdə ittiham olunur. Yolun bağlanması növbəti belə aksiyadır. Yol polisin həyata keçirdiyi tədbirlər nəticəsində açılıb.-03-
Cəmiyyət
-
Bakıda Dövlət Yol Polisinin mobil patrulları taksi sürücülərini müvafiq icazələr əsasında işə cəlb etmək və taksidə yeni iş qaydalarını izah etmək üçün reydlər keçirirlər. Reydlərdə Azərbaycan Yerüstü Nəqliyyat Agentliyi (AYNA) iştirak edir, - Bakı Şəhər Dövlət Yol Polisi İdarəsi bildirir. Eyni reydlər Sumqayıt şəhərində də müşahidə olunub.
-
Uzun illərdir Xəzər dənizinin səviyyəsinin azalması həm hidroloqların, həm də geniş ictimaiyyətin ciddi narahatlığına səbəb olub. Azərbaycanda dəniz səthinin xeyli azalması Sumqayıtda və Bakı Dəniz Bulvarı boyunca dənizin dayazlaşması ilə özünü büruzə verirdi. Lakin son vaxtlar hava şəraiti yeni ümidlər yaradıb.
-
Bazar günü, mayın 19-da Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Mülayim cənub-qərb küləyi əsəcək. Havanın temperaturunun gecə 10-13 dərəcə, gündüz 16-20 dərəcə isti olacağı ehtimal edilir, xəbəri Milli Hidrometeorologiya Xidməti yayıb.
-
Mayın 17-də gün ərzində Azərbaycanda kiber üsullarla ən az 22 halda bank kartlarından abunəçilərə məxsus pullar oğurlanıb.
Rəy yaz