Seymur Daxilov
Zabrat qəbiristanlığında vandalizmdə şübhəli bilinən şəxs saxlanılıb
Bakı/21.04.23/Turan: Polis əməkdaşları Bakının Sabunçu rayonunda qəbiristanlıqda vandalizm aktı törətməkdə şübhəli bilinən şəxsi saxlayıblar. Bu barədə cümə axşamı Baş Prokurorluğun və Daxili İşlər Nazirliyinin yaydığı birgə bəyanatda deyilir.
Saxlanılan şəxs 34 yaşlı Seymur Daxilovdur. “Prokurorluq və Daxili İşlər Nazirliyi əməkdaşlarının həyata keçirdikləri intensiv tədbirlər nəticəsində aprelin 16-dan 17-nə keçən gecə Seymur Daxilovun qəbiristanlığa gələrək məzar daşlarına və plitələrə ziyan vurduğuna, məzar daşlarını və lövhələri dağıtdığına şübhə üçün əsaslar müəyyən edilib", - məlumatda bildirilir.
O, öz hərəkətlərini qəbiristanlıqda təmir işləri aparması ilə izah edib. Lakin ona ödəniş etməkdən imtina ediblər və o "qəzəblənərək" qəbirləri dağıdıb, məzar daşlarına ziyan vurub.
Seymur Daxilov Azərbaycan Cinayət Məcəlləsinin 245-ci maddəsilə (qəbir üzərində təhqiredici hərəkət) təqsirləndirilən şəxs qismində cəlb edilib, məlumatda deyilir.
Aprelin 18-də sosial şəbəkələrdə Bakının Zabrat qəsəbəsində əsasən rusların dəfn edildiyi qəbiristanlıqda məzar daşlarının dağıdılmasna dair video yayılıb. 06B
Cəmiyyət
-
Bakıda Dövlət Yol Polisinin mobil patrulları taksi sürücülərini müvafiq icazələr əsasında işə cəlb etmək və taksidə yeni iş qaydalarını izah etmək üçün reydlər keçirirlər. Reydlərdə Azərbaycan Yerüstü Nəqliyyat Agentliyi (AYNA) iştirak edir, - Bakı Şəhər Dövlət Yol Polisi İdarəsi bildirir. Eyni reydlər Sumqayıt şəhərində də müşahidə olunub.
-
Uzun illərdir Xəzər dənizinin səviyyəsinin azalması həm hidroloqların, həm də geniş ictimaiyyətin ciddi narahatlığına səbəb olub. Azərbaycanda dəniz səthinin xeyli azalması Sumqayıtda və Bakı Dəniz Bulvarı boyunca dənizin dayazlaşması ilə özünü büruzə verirdi. Lakin son vaxtlar hava şəraiti yeni ümidlər yaradıb.
-
Bazar günü, mayın 19-da Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Mülayim cənub-qərb küləyi əsəcək. Havanın temperaturunun gecə 10-13 dərəcə, gündüz 16-20 dərəcə isti olacağı ehtimal edilir, xəbəri Milli Hidrometeorologiya Xidməti yayıb.
-
Mayın 17-də gün ərzində Azərbaycanda kiber üsullarla ən az 22 halda bank kartlarından abunəçilərə məxsus pullar oğurlanıb.
Rəy yaz