Açiq mənbələrdən foto.
Bakı/14.01.22/Turan: Dünən sosial şəbəkələrdə dövlət müəssisələrindən birində azyaşlı uşağa fiziki təzyiqin əks olunduğu videogörüntülər yayılıb. Bu kadrlar böyük narazılığa səbəb olub.
Bu gün məlum olub ki, hadisə İsmayıllı şəhərinin 1 saylı uşaq bağçasında baş verib.
Daxili İşlər Nazirliyinin mətbuat xidmətinin KİV və ictimaiyyətlə əlaqələr şöbəsinin rəisi Elşad Hacıyev Turan agentliyinə bildirib ki, üç yaşlı uşağı vuran tərbiyəçi Zülfiyyə Baxışovadır (1969-cu ildə anadan olub). O, istintaqa cəlb edilib.
"İsmayıllı rayonunda uşaq bağçalarının birində baş verən insidentlə əlaqədar rayon polis şöbəsinin istintaq qrupu bağçadadır, müvafiq dindirmə və izahat işləri aparılır. İstintaqın nəticələrindən asılı olaraq hüquqi tədbirlər görüləcək".
Təhsil Nazirliyindən bildiriblər ki, Zülfiyyə Baxışova işdən çıxarılıb. "Vəzifə səlahiyyətlərindən sui-istifadə etdiyinə, əmək müqaviləsi üzrə öhdəliklərini yerinə yetirmədiyinə, “Müəllimlərin etik davranış qaydaları"nın tələblərini pozduğuna və yetkinlik yaşına çatmayanlarla kobud rəftara görə Baxışova ilə bağlanmış əmək müqaviləsi Əmək Məcəlləsinin 70-ci maddəsinin" “ç” bəndi əsasında bu gündən pozulub”.
Nazirlik uşaqlara qarşı zorakılıq hallarını qətiyyətlə pisləyir və bunun yolverilməz olduğunu vurğulayır.—0—
Cəmiyyət
-
2017-ci ildə Sumqayıt Şəhər Məhkəməsi Qubadlıdan qaçqın olan Əliyevlər ailəsinin (Əkbər, Sərvinaz, Ramil və daha iki ailə üzvü) 12-ci mikrorayon, ev 7A, mənzil 35 ünvanında qanunsuz tutduğu mənzildən çıxarılması barədə qərar qəbul edib. Məhkəmə əmlakın qanuni sahibinə- Səmayə Əliyevaya qaytarılması barədə qərar qəbul edib.
-
Yanvarın 10-da Bakıda və Abşeron yarımadasında hava tutqun, yağışsız olacaq. Mülayim cənub-şərq küləyi əsəcək. Gecə 5-8, gündüz 9-14 dərəcə isti olacaq.
-
Bakının məşhur restoranlarından olan “Şuşa” restoranın söküntüsü davam etdirilir. Bu gün səhər saatlarında bir neçə ekskavator restoranının ətrafında söküntü işlərini davam etdirib.
-
Mobil operator sənaye təhlükəsizliyi və rifah sahəsində nümunəvi fəaliyyətinə görə təltif edildi “Azercell Telekom” MMC “Sənaye Təhlükəsizliyi Zirvəsi”ndə “İşçi Rifahı 2024” mükafatı ilə təltif edilib. Tədbir Fövqəladə Hallar Nazirliyinin Azərbaycan Dövlət Əməyin Mühafizəsi və Təhlükəsizlik Texnikası Elmi-Tədqiqat İnstitutunun və “Azərbaycan Sənaye Təhlükəsizliyi Assosiasiyası” İctimai Birliyinin birgə təşkilatçılığı ilə baş tutub. Belə ki, münsiflər heyəti lider mobil operatorun SƏTƏM (Sənaye Əməyin Təhlükəsizliyi və Ətraf Mühitin Mühafizəsi) sahəsində fəaliyyətini yüksək qiymətləndirib. Azercell işçi rifahı, sənaye təhlükəsizliyi, ətraf mühit standartlarının təkmilləşdirilməsi və iqlim dəyişikliyi ilə mübarizə istiqamətində həyata keçirdiyi layihələrlə fərqlənib.
Rəy yaz