Bakı/03.12.21/Turan: Azərbaycanın vətəndaş sektorunun nümayəndələri - hüquqşünaslar, jurnalistlər, qeyri-hökumət təşkilatlarının rəhbərləri ölkədə insan hüquqlarının müdafiəsi probleminə həsr olunmuş zum-konfrans keçiriblər.
Konfransın diqqət mərkəzində həbsdə aclıq aksiyası elan edən vətəndaş Saleh Rüstəmlinin və dekabrın 1-də polis tərəfindən ölümcül döyülən siyasətçi Tofiq Yaqublunun vəziyyəti olub.
Konfrans iştirakçıları ölkədə avtoritarizmin güclənməsinin və hüquq-mühafizə orqanları tərəfindən ictimai xadimlərə və ümumilikdə vətəndaşlara qarşı zorakılığın əleyhinə müqavimətin təşkili yollarını, hüquq-asayiş orqanlarının cəmiyyəti sıxışdıran repressiv strukturlara çevrilməsini müzakirə ediblər.
Ümumilikdə, virtual görüşün bütün iştirakçıları vahid təşəbbüs çərçivəsində səylərin konsolidasiyası ideyasına meylli olublar. Bu, insan hüquqlarının pozulmasını araşdıran, yerli və beynəlxalq ictimaiyyət üçün hesabat hazırlayan daimi qurum ola bilər.
Belə işdə əsas məqsəd hakimiyyəti insan hüquq və azadlıqlarının müdafiəsi sahəsində xalq qarşısında öz konstitusiya vəzifələrini yerinə yetirməyə dəvət etməkdir.
Konfransın təşkilatçısı Demokratik Təşəbbüslər İnstitutunun rəhbəri Akif Qurbanov pozuntuları araşdıran və qeydə alan hüquqşünaslar qrupunun yaradılmasını təklif edib. Həmçinin insan azadlıq və hüquqları sahəsində vəziyyətin yaxşılaşdırılması məqsədilə beynəlxalq qurumlarla işlərin gücləndirilməsi təklif edilib.0—
Cəmiyyət
-
"Gələn il Azərbaycan növbəti böyük idman yarışına ev sahibliyi edəcək, bu da MDB Oyunlarıdır. Üçüncü MDB Oyunları Azərbaycanda keçiriləcək". Bunu, dekabrın 24-də 2024-cü ilin idman yekunlarına həsr olunan mərasimdə prezident İlham Əliyev söyləyib.
-
Dekabrın 28-də Bakıda və Abşeronda yağış gözlənilir. Şimal-cənub küləyi şimal-qərb küləyinə keçəcək. Havanın temperaturu gecə müsbət 5 +8, gündüz müsbət 8 + 10 dərəcə olacaq. Rütubət 80-90 faiz olacaq.
-
Dekabrın 25-də "Azərbaycan Hava Yolları" QSC-nin (AZAL) Bakı–Qroznı reysini yerinə yetirən "Embraer 190" tipli sərnişin təyyarəsi Qazaxıstanın Aktau şəhəri yaxınlığında qəzaya uğrayıb. Azərbaycanın Aktau şəhərindəki Baş konsulu Ayxan Süleymanlı deyib ki, təyyarədə ekipaj üzvləri ilə birlikdə 67 nəfər uçub, onlardan 38 nəfər həlak olub. Onun vurğulamasına görə, ölənlərin 26-sı Azərbaycan vətəndaşlarıdır.
-
Dekabrın 27-də Bakıda və Abşeronda yağış yağacağı, bəzi yerlərdə intensiv olacağı gözlənilir. Cənub-şərq küləyi əsəcək. Havanın temperaturu gecə 7-9 dərəcə, gündüz 9-11 dərəcə olacaq. Nisbi rütubət 70-80% təşkil edəcək..
Rəy yaz