ABŞ-ın Azərbaycan siyasəti; Yeni səfir, yeni vasitəçi, Qarabağ, insan haqları... – Aleks Raufoğlu Çətin sual qarşısında

Bakı/13.01.23/Turan: Prezident Bayden yarım ildən çoxdur səfir təyin edilməsi təxirə salınan diplomat Mark Libbinin Azərbaycanda səfir təyin edilməsində israr edir. Bayden Konqresin sessiyası başladığı gün yenidən Libbinin namizədliyini irəli sürüb.

Bu yaxınlarda Dövlət Departamentinin Qafqaz üzrə danışıqlar üzrə baş müşaviri təyin edilmiş səfir Filip Riker yanvarın 5-də diplomatik xidmətdən təqaüdə çıxır. Dövlət Departamentinin sözçüsü Ned Prays deyib ki: “...Onun keçən ilin sonuna kimi qısamüddətli əsasda bu vəzifəni tutacağı gözlənilirdi”.

Dövlət Departamenti hökumətin tənqidçiləri Tofiq Yaqublu və Bəxtiyar Hacıyevin həbsi ilə əlaqədar Azərbaycanda son insan hüquqları pozuntularını tənqid edib. Eyni zamanda Bayden administrasiyası siyasi məhbusların azadlığa buraxılması üçün təşəbbüs irəli sürdüyünü elan edib.

Bütün bunlar barədə Vaşinqtondan azərbaycanlı jurnalist Aleks Raufoğlu Kamran Mahmudovun təqdimatında yayımlanan “Çətin sual” verilişində danışır.