Bakı/08.06.23/Turan: Avropa Şurası Parlament Assambleyasının (AŞPA) Monitorinq Komitəsinin Azərbaycan üzrə həmməruzəçiləri Yan Liddell-Qreyncer və Liz Kristoffersen 3-7 iyun tarixlərində Azərbaycanda səfərdə oldular. Həmməruzəçilər Bakıda Prezident Administrasiyası, Xarici İşlər, Daxili İşlər və Ədliyyə Nazirləri, habelə məhkəmə orqanlarının nümayəndələri ilə görüşüblər.
Həmməruzəçilər həmçinin parlament nümayəndələri, o cümlədən Milli Məclisin spikeri, parlamentdə təmsil olunan siyasi partiyaların rəhbərləri və Azərbaycanın AŞPA-dakı nümayəndə heyəti ilə görüşlər keçiriblər. Səfər zamanı vətəndaş cəmiyyətinin nümayəndələri ilə də görüşlər təşkil olunub.
Həmməruzəçilərin səfəri ərəfəsində həbsdə olan ictimai-siyasi fəal Bəxtiyar Hacıyevin özünün, yaxınlarının evlərində axtarışlar aparıldı. İctimai- fəal Rail Abbasov saxlanıldı və 8 saat sonra sərbəst buraxıldı.
Azərbaycan Demokratiya və Rifah Partiyasının üzvü Ziyafət Abbasovan iyunun 6-da oğurlanaraq 1 saylı Maştağa ruhi əsəb dispanserinə yerləşdirildi.
Media qarşısında tənqidi çıxış edən Daşkəsən rayion sakini Anar Süleymanov 30 sutka həbs edildi.
Siyasi fəal Əmrah Təhməzov İlham Əliyevdən Əlizamin Salayevi buraxmasını yazaraq, tənqid etdiyi çün 30 sutka həbs edildi.
Ölkədə olan AŞPA məruzəçiləri baş verənlərdən xəbərsiz idimi?
Hüquq müdafiəçisi Fuad Həsənov Kamran Mahmudovun təqdimatında yayımlanan “Çətin sual” verilişində danışır.
Çətin sual
-
Keçmiş diplomat, siyasi şərhçi Nahid Cəfərov Azərbaycanın xarici siyasəti barədə Kamran Mahmudovun təqdimatında yayımlanan “Çətin sual” verilişində danışır.
-
Qərbi Azərbaycan mövzusu son günlər həm Azərbaycan, həm də Ermənistan rəsmiləri tərəfindən tez-tez gündəmə gətirilir.
-
7 yanvar tarixində yayımlanan müsahibəsində Azərbaycan Prezidenti İlham Əliyev Qərbi, xüsusilə ABŞ, Fransa və Avropa İttifaqını kəskin tənqid edib. Bu tənqidlərin konkret kimlərə ünvanlandığı və geniş mənası haqqında siyasi analitik və Mərkəzi Asiya üzrə ekspert Arkadi Dubnov “Çətin sual” proqramında danışıb.
-
Azərbaycan qış mövsümünə qədəm qoyarkən, tənəffüs yolları xəstəliklərinin yayılması ilə bağlı narahatlıqlar artır. Xüsusilə insan metapnevmovirusu (HMPV) bu spekulyasiyaların mərkəzindədir. İlk dəfə Çində aşkarlanan və 2024-cü ilin sonlarında Qazaxıstan və Rusiyada qeydə alınan HMPV hazırda Azərbaycanda diqqət mərkəzindədir. Səhiyyə Nazirliyi virusla bağlı məlumatlandırma kampaniyalarını təsdiqləsə də, onun ölkədə yayılma dərəcəsi və şiddəti barədə suallar qalmaqdadır.
Rəy yaz