Azərbaycanda dini ekstremizm təhlükəsi varmı? – Zərdüşt Əlizadə “Çətin sual” qarşısında

Bakı/10.08.22/Turan: Müsəlmanların müqəddəs aylarından biri hesab olunan, eləcə də şiələrin əzadarlıq ayinlərini keçirdiyi Məhərrəm ayında ölkə daxilində, eləcə də ölkədən kənarda radikal dindarların Azərbaycana qarşı fəallaşdığının şahidi oluruq. Avqustun 4-də Azərbaycan Respublikasının Böyük Britaniya və Şimali İrlandiya Birləşmiş Krallığındakı səfirliyi bir qrup radikal dini dəstənin hücumuna məruz qaldı. Hücumu “Mehdinin Xidmətçiləri Birliyi” adlı qrup təşkil edib.

Bu hadisədən az öncə Azərbaycanda kiçik miqyaslı olsa da hansısa proseslər baş verirdi. Hacı Şahinin adına saxta profilin açılması, şortikli insanların bəzi yerlərə buraxılmaması, çarşablı qadınlardan birinin divarlara dini şüar yazması və bəyanatlar səsləndirməsi, Yevlaxda bir müəllimin şagirdlərinə mərsiyə oxudub və videosunu yayması son vaxtlar ard-arda baş verən və müzakirə olunan məsələlərdəndir. Azərbaycanın Britaniyadakı səfirliyinə hücum edən həmin radikallar da bəyanatlarında Şəhla adlı bir dindar qadına təzyiqlərə görə belə bir addım atdıqlarını bildirirlər.  Güman olunur ki, həmin Şəhla adlı qadın divarlara dini şüar yazan qadındır.

İki gün bundan öncə keçirilmiş Aşura mərasimindən yayılan fotolar və videolar da sosial medianın müzakirə mövzularındandır.

Ekspertlərin bir çoxu bildirir ki, Azərbaycanda dini ekstremizm təhlükəsi var. Və bu təhlükədən başqa ölkələr istifadə etməklə Azərbaycanı təhdid edirlər. Bu  dəfə  həmin ölkələr radikal şiələrdən istifadə edirlər.

Deyilənlər nə dərəcədə doğrudur? Azərbaycanda dini ekstermizm təhlükəsi varmı?  

Siyasi şərhçi Zərdüşt Əlizadə Kamran Mahmudovun təqdimatında yayımlanan “Çətin sual” verilişində bu və digər suallara cavab verir. 

Youtube səhifəsinin ünvanı:

https://www.youtube.com/c/TuranAgentliyi

Facebook səhifəsinin ünvanı:

https://www.facebook.com/turanagency