Bu gün azadlığa çıxmış Aqil Məhərrəmli "Çətin sual" qarşısında

Bu gün azadlığa çıxmış Aqil Məhərrəmli saat 16:00-da “Çətin sual" qarşısında

Bakı/25.05.22/Turan: Azərbaycan Xalq Cəbhəsi Partiyasının (AXCP) həbsdə olan üzvü, siyasi məhbus kimi tanınan Aqil Məhərrəmli bu gün azadlığa çıxıb.

AXCP Rəyasət Heyətinin üzvü Aqil Məhərrəmli, Gənclər Komitəsi Məclisinin sədri Ruslan Nəsirov və Nərimanov şöbəsinin sədri Babək Həsənov 2018-ci il mayın 25-də saxlanılmışdı. AXCP fəalları Gədəbəy rayonu İcra Hakimiyyətinin keçmiş başçısı Saleh Rüstəmovla eyni cinayət işi üzrə təqsirləndirilirdilər. Onlarin saxlanılması ilə bağlı Baş Prokurorluq və Daxili İşlər Nazirliyi yaydığı birgə məlumatına görə, AXCP funksionerləri və Saleh Rüstəmov çirkli pul vəsaitlərini leqallaşdırmaqda ittiham olunurdular.

Bakı Ağır Cinayətlər Məhkəməsi hakim Eldar İsmayılovun sədrliyi ilə Gədəbəy rayon İcra Hakimiyyətinin keçmiş başçısı Saleh Rüstəmovu 7il 3 ay, AXCP Rəyasət Heyətinin üzvü Aqil Məhərrəmovu 4 il, bu partiyanın Nərimanov rayon şöbəsinin sədr əvəzi Babək Həsənovu 3 il həbsə məhkum etmişdi. Babək Həsənov ötən il əfv sərəncamı ilə azadlığa çıxıb. Aqil Məhərrəmli isə bu gün həbs müddəti tam bitdiyi üçün azadlığına qovuşub.

Aqil Məhərrəmli Kamran Mahmudovun təqdimatında yayımlanan “Çətin sual” verilişində həbs həyatından danışır.