Deputatın ifadə azadlığı, mediada Ərdoğan təbliğatı – Ələsgər Məmmədli ilə gündəm müzakirəsi Çətin sualda
Bakı/27.04.23/Turan: Milli Məclisin İntizam komissiyası deputat Vahid Əhmədovun jurnalist Mehman Hüseynova müsahibəsilə bağlı məsələyə baxacaq. Həmin müsahibədə Əhmədov bəzi deputatların qanunu pozaraq bizneslə məşğul olduqlarını bildirib, hökumətin fəaliyyətini tənqid edib. Bu səbəbdən həmkarlarının tənqidlərinə tuş gəlib.
Türkiyədə mayın 14-də keçiriləcək prezident seçkiləri ilə bağlı təbliğat-təşviqat işləri Azərbaycanda da aparılır. Bunu mediada və sosial şəbəkələrdə açıq-aydın görmək olur. Hökumətyönlü mediada və televiziyalarda Türkiyənin hazırki prezidenti və növbəti dəfə prezidentliyə namizəd olan Rəcəb Tayyip Ərdoğanın təbliğatı aparılır.
İnzibati Xətalar Məcəlləsinə edilən dəyişikliyə əsasən, ölkədə jurnalistlərin fəaliyyətinə qanunsuz müdaxilə edənlər 600 manatadək cərimələnəcək.
Bütün bunlar barədə hüquqşünas Ələsgər Məmmədli Kamran Mahmudovun təqdimatında yayımlanan “Çətin sual” verilişində danışır.
Çətin sual
-
Yeni qaydalara əsasən, taksi minik avtomobili vasitəsilə sərnişindaşımalarla məşğul olmaq istəyən hüquqi şəxslər və fərdi sahibkarlar müvafiq icazələr əsasında fəaliyyət göstərməlidirlər. Bunun üçün buraxılış vəsiqəsi və buraxılış kartı alınmalıdır. Azərbaycan Yerüstü Nəqliyyat Agentliyi ( AYNA)- dan yerli mediaya verilən məlumatda belə deyilir
-
Gürcüstan parlamenti mayın 14-də “Xarici təsirin şəffaflığı haqqında” qanun layihəsini üçüncü oxunuşda qəbul etdi. Amma buna baxmayaraq Gürcüstanda etirazlar səngimir. Yüzlərlə etirazçı parlament binasının önünə toplaşaraq qanunun qəbuluna yox deyir.
-
Rəsmi xəbərlərə görə, Azərbaycanda illik inflyasiya 1 %-dən aşağı enib. Bu ilin yanvar-aprel aylarında istehlak qiymətləri indeksi 2023-cü ilin eyni dövrü ilə müqayisədə 100,7 %, o cümlədən qida məhsulları, içkilər və tütün məmulatları üzrə 99,3 %, qeyri-qida məhsulları üzrə 101,3 %, əhaliyə göstərilmiş ödənişli xidmətlər üzrə 102,4 % təşkil edib. Dövlət Statistika Komitəsinn yaydığı məlumatda belə göstərilir.
-
Son həftələrdə Ermənistan Azərbaycanla Ermənistan arasında sərhədin demarkasiyası və delimitasiyası prosesindən qaynaqlanan etiraz dalğasının şahidi olub. Ermənistan Avropa Partiyasının sədri Tiqran Xzmalyan "Çətin sual" proqramında bu problemləri işıqlandırıb, iğtişaşları mövcud hakimiyyətdən kütləvi narazılıq ilə izah edib.
Rəy yaz