![Ermənistan sülhə hazırdır? – Tofiq Zülfüqarov “Çətin sual" qarşısında](https://turan.az/resized/750/500/resize/media/2021/main/090800038067.jpg)
Ermənistan sülhə hazırdır? – Tofiq Zülfüqarov “Çətin sual" qarşısında
Bakı/08.09.21/Turan: Son günlərdə Ermənistan mətbuatında hökumətin Moskvanın himayəsi altında Azərbaycanla sülh sazişi imzalamağı planlaşdırdığı barədə yazılar dərc olunub. Görünür, bu mövzu Ermənistan baş nazirinin, daha sonra isə yeni xarici işlər nazirinin Moskvaya səfərlərində əsas mövzu olub. Yerevanın "Past" nəşri öz mənbələrinə istinadən yazıb ki, hökumət aparatında və Xarici İşlər Nazirliyində sülh sazişinin bağlanması üçün fəal hazırlıq işləri aparılır. Güman edilir ki, sənəd layihəsinin ilkin müzakirəsinə oktyabrda başlanıla bilər.
Ötən həftənin cümə günü keçirilən brifinqdə isə Ermənistan Təhlükəsizlik Şurasının katibi Armen Qriqoryan bildirib ki, Ermənistan demarkasiya və delimitasiya işlərinin həyata keçirilməsi ilə bağlı Azərbaycanın reaksiyasını gözləyir.
“Ermənistan demarkasiya və delimitasiya işlərinə hazırdır. Biz artıq bunu açıq şəkildə bildirmişik. Hazırda heç bir iş həyata keçirilmir. Biz Azərbaycandan cavab gözləyirik”, deyə Qriqoryan bildirib.
Təhlükəsizlik Şurasının katibi Azərbaycanın müsbət cavab verəcəyinə və sərhəddə böhranın mümkün qədər tez həll edilməsi üçün ən qısa müddətdə demarkasiya və delimitasiya işlərinə başlamağın mümkün olacağına ümid edir, deyə Ermənistan mətbuatı Qriqoryandan sitat gətirir.
Rəsmi Bakı hələlik Qriqoryanın bəyanatına reaksiya verməyib.
Ermənistan həqiqətən də sülhə hazırdırmı? Yazılanlar Ermənistan hakimiyyətinin siyasi iradəsindən qaynaqlanır, yoxsa Rusiya Ermənistan üzərindən hansısa yeni oyun oynayır?
Bütün bu suallara keçmiş Xarici işlər naziri Tofiq Zülfüqarov Kamran Mahmudovun təqdimatında yayımlanan “Çətin sual” verilişində cavab verir. --0--
-
- İqtisadiyyat
- 8 Sentyabr 2021 16:03
Çətin sual
-
Növbədənkənar parlament seçkilərinə 2 gündən az vaxt qalıb. Bu gün təbliğat və təşviqatın son günüdür.
-
Azərbaycanın xarici dövlət borcu azalıb, daxili dövlət borcu artıb.
-
Rəsmi Bakı Avropa Şurası Parlament Assambleyasında (AŞPA) Azərbaycan nümayəndə heyətinin əleyhinə səs verən şəxsləri “arzuolunmaz şəxslər” siyahısına salıb.
-
Avqustun 23-də Daşkənddə Prezident İlham Əliyev və Özbəkistan Prezidenti Şavkat Mirziyoyevin iştirakı ilə Azərbaycan-Özbəkistan arasında müttəfiqlik sənədi imzalanıb.
Rəy yaz