Ermənistanla sərhəddə gərginliyin səbəbi nədir? – Oktay Qasımov “Çətin sual" qarşısında

Bakı/16.11.21/Turan:  Ermənistan silahlı qüvvələrinin bölmələri dövlət sərhədinin Kəlbəcər və Laçın rayonları sahəsində ölkəmizə qarşı genişmiqyaslı təxribat törədib.Bu barədə Müdafiə Nazirliyindən məlumat verilib.Basarkeçər və Qarakilsə rayonlarında yerləşən sərhəd-döyüş mövqelərinə əlavə canlı qüvvə, hərbi və xüsusi texnika cəmləşdirən Ermənistan hərbi bölmələri Azərbaycan Ordusunun Kəlbəcər və Laçın rayonlarındakı döyüş postlarına hücum edib.Qarşı tərəf Azərbaycan Ordusunun mövqelərini müxtəlif çaplı atıcı silahlar və qumbaraatanlardan intensiv atəşə tutaraq döyüş postlarımıza atəşlə zərər vurub. Nəticədə ilkin məlumata görə Azərbaycan Ordusunun iki hərbi qulluqçusu yaralanıb.

Ermənistan silahlı qüvvələrinin bölmələri Kəlbəcər, Gədəbəy, Tovuz və Ağstafa rayonlarının bir neçə kəndində yerləşən Azərbaycan Ordusunun mövqelərini müxtəlif çaplı atıcı silahlardan istifadə etməklə intensiv atəşə tutub. Bu barədə Müdafiə Nazirliyi məlumat yayıb.Məlumata görə, qarşı tərəfin döyüş aktivliyinin qarşısını almaq məsqəsilə Azərbaycan Ordusunun bölmələri tərəfindən adekvat cavab tədbirləri görülüb. "Hazırda əməliyyat şəraiti bölmələrimizin nəzarəti altındadır"

ATƏT-in Minsk Qrupunun həmsədrləri noyabrın 15-də bəyanat yayıblar.Həmsədrlər regionda, o cümlədən Ermənistan-Azərbaycan sərhədində baş verən son hadisələrə dərin narahatlıqla yanaşdıqlarını bildiriblər.

Nə baş verir? Ermənistan nəyə nail olmağa çalışır?

Siyasi şərhçi Oktay Qasımov Kamran Mahmudovun təqdimatında yayımlanan “Çətin sual” verilişində baş verənləri şərh edir.