İran vətəndaşları üçün viza rejimi dəyişdi: Quru sərhədləri açılırmı?;Turizm kompleksləri niyə zərərlə işləyir? – Natiq Cəfərli Çətin sualda

Bakı/20.06.23/Turan: İranın Azərbaycandakı Səfirliyinin məlumatına görə, 23 iyun 2023-cü il tarixdən Azərbaycan İran vətəndaşlarına Azərbaycanın beynəlxalq hava limanlarında viza rəsmiləşdiriıməsini dayandırır. Məlumatda Azərbaycana səfər edəcək İran vətəndaşlarının öncədən "ASAN viza” almaları və ya Azərbaycanın Təbrizdəki Baş Konsulluğundan viza əldə etmələri xahiş olunur.

Azərbaycanın ilk və ən böyük dağ-xizək kurort kompleksi “Şahdağ Turizm Mərkəzi” QSC ötən ili zərərlə başa vurub.  Dövlət Turizm Agentliyinə məxsus  QSC-nin maliyyə hesabatında belə deyilir. Bildirilir ki, 2022-ci ildə kompleksin xalis zərəri 8 milyon 688 min manat olub. Bu, əvvəlki illə müqayisədə 2 milyon 344 min manat çoxdur. Belə ki, şirkət 2021-ci ili 6 milyon 344 min manat xalis zərər ilə başa vurmuşdu.

Hesabatdan görünür ki, əvvəlki ilin zərəri də daxil olmaqla “Şahdağ Turizm Mərkəzi” ümumi zərəri 97 milyon 177 min manata yüksəlib.

Bu mövzular haqda iqtisadçı Natiq Cəfərli Kamran Mahmudovun təqdimatında yayımlanan “Çətin sual” verilişində danışır.