Bakı/16.04.21/Turan: Sosial şəbəkədən istifadə edənlər bilirlər ki, kommentləri yazanların hansıları trollar, hansıları isə normal mövqe ifadə edənlərdir. Bunu Turan-ın “Çətin Sual” proqramının aprelin 16-da efirə getmiş buraxılışında Azərbaycan Xalq Cəbhəsi Partiyası (AXCP) sədrinin müavini Seymur Həzi bildirib.
Onun sözlərinə görə, belə trol şəbəkəsini saxlamaq müxalif partiyaların gücü daxilində deyil.
O, Britaniyanın “Qardian” nəşrinin bu yaxınlarda dərc etdiyi araşdırmaya diqqət çəkib. Araşdırma feysbukun Azərbaycanın hakim Yeni Azərbaycan Partiyası ilə əlaqəli olan 8 minə yaxın hesabınn (trolların) silindiyini təsdiq edib.
Həzinin sözlərinə görə, Xalq Cəbhəsi Partiyası sosial şəbəkədən partiya işlərinin təşkili üçün istifadə edir, belə ki, partiya 15 il əvvəl ofisindən məhrum edilib.
Partiya siyasi varlığını qorumaq üçün üzvləri ilə sosial şəbəkədə iş aparır. Trolları saxlamağa ən çox hökumətin ehtiyacı var. Amma bəzən hakimiyyətyönlü torllar arasında da fərqli baxışlar olur.
Seymur Həzi hesab edir ki, hakimiyyət televiziya üzərindən qadağaları qaldırmalıdır ki, “bütün siyasi qüvvələr ekrana buraxılsın, siyasi müzakirələr aparılsın”. -05B-
Çətin sual
-
Rusiya AZAL təyyarəsinin atəşə tutulmasını etiraf edəcəkmi ? - Arkadi Dubnov Çətin sualda
-
AZAL J2-8243 nömrəli Bakı-Qroznı reysini yerinə yetirən “Embraer 190” təyyarəsinin fiziki və texniki kənar müdaxilə nəticəsində qəzaya uğradığına dair məlumat yayıb. Bildirilir ki, aparılan araşdırmaların ilkin nəticələri və uçuşların təhlükəsizliyində yarana biləcək risklər nəzərə alınıb. Buna görə də Azərbaycan Dövlət Mülki Aviasiya Agentliyinin qərarına əsasən Bakıdan Rusiyanın 10 şəhərinə uçuşlar dayandırılıb.
-
Azərbaycan hökumətindəki mənbələr cümə axşamı Euronews-a çərşənbə günü AZAL-ın təyyarəsinin Aktauda qəzaya uğramasına Rusiyanın "yer-hava" tipli raketin səbəb olduğunu eksklüziv olaraq təsdiq ediblər.
-
AZAL-ın Bakı-Qroznı reysini yerinə yetirən sərnişin təyyarəsi bu gün səhər saatlarında qəzaya uğradı.
Rəy yaz