Londonda Azərbaycan səfirliyinə hücum edən radikalların arxasında kim dayanır? – İlham İsmayıl “Çətin sual” qarşısında

Bakı/05.08.22/Turan: Azərbaycan Respublikasının Böyük Britaniya və Şimali İrlandiya Birləşmiş Krallığındakı səfirliyi ötən gün bir qrup radikal dini dəstənin hücumuna məruz qalıb. Səfirliyin binasına daxil olaraq, vandalizm aktı törədən qrup üzvləri binanın eyvanında dini bayraqlar qaldıraraq, radikal dini şüarlar səsləndiriblər. Yerli polisin müdaxiləsindən sonra qrup üzvləri binadan çıxarılıb və saxlanılıb. Hadisə nəticəsində səfirliyin əməkdaşları xəsarət almayıb. Hadisə yerli hüquq mühafizə qurumları tərəfindən araşdırılır.

Britaniyanın metro.co.uk tabloidi yazır ki, etirazçıların dəstəsi Azərbaycanın Londondakı səfirliyinə hücum etdikdən sonra 8 nəfər həbs edilib. Etirazın nədən qaynaqlandığı məlum deyil, lakin buna “Mehdinin Xidmətçiləri Birliyi” adlı qrup rəhbərlik edib.

Bu, Londonda yerləşən şiə müsəlman təşkilatıdır və öz veb-saytında bəyan edir ki, “sivilizasiya hökmranlığı” qurmaq istəyir. Bu qrupa bağlı üzvlər Azərbaycan hökumətinin ölkədə bəzi şiə müsəlmanlarını "təqib etməsinə" istinad ediblər.Qrupun bəyanatında deyilir ki, onların lideri ona Azərbaycan prezidenti İlham Əliyevə qarşı "təcili tədbirlər görmək" barədə göstəriş verib.

Nə baş verir? Təxribatın arxasında kim dayanır?

Təhlükəsizlik məsələləri üzrə ekspert İlham İsmayıl Kamran Mahmudovun təqdimatında yayımlanan “Çətin sual” verilişində bu barədə suallara cavab verir. 

Youtube səhifəsinin ünvanı:

https://www.youtube.com/c/TuranAgentliyi

Facebook səhifəsinin ünvanı:

https://www.facebook.com/turanagency