MEDIA-nın əlinə baxan media – Xalid Ağəliyev “Çətin sual" qarşısında

Bakı/02.07.21/Turan: Medianın İnkişafı Agentliyi veb-saytlara və qəzetlərə maliyyə ayırıb. Azərbaycan Respublikasının Medianın İnkişafı Agentliyi müsabiqənin qaliblərini açıqlayıb. Otuzdan çox veb-sayt müsabiqənin qalibi olub. Agentlik tərəfindən maliyyələşdirilən onlayn veb-saytların hər birinə aylıq 3000 manat məbləğində maliyyə yardımı göstəriləcək.

Bununla yanaşı, iyulun 1-də Medianın İnkişafı Agentliyi veb-saytları ilə yanaşı çap mediası subyektləri üçün təşkil olunan müsabiqənin qaliblərini açıqlayıb.

Çap mediasına dəstək layihəsinin qalibləri olan 18 qəzetin adı elan olunub. Müsabiqənin şərtlərinə görə həftədə bir nömrəsi maliyyələşdirilən qəzetlərin hər birinə aylıq 5000 manat, həftədə beş nömrəsi maliyyələşdirilən qəzetlərin hər birinə isə aylıq 15000 min manat məbləğində maliyyə yardımı göstəriləcək.

Müsabiqədə qalib elan olunan hər bir qəzet redaksiyasının eyniadlı veb-saytına 3000 manat məbləğində maliyyə yardımı göstərilir. Qalib elan olunan qəzetin baş redaktoru müsabiqəyə müraciət ərizəsində qəzetinin eyniadlı veb-saytını əsaslı yeniləmək niyyətini ifadə etmişdirsə, maliyyə yardımı göstərilən 6 aylıq dövrün birinci ayında ona həmin veb-saytın əsaslı yenilənməsi məqsədilə 5000 manat məbləğində vəsait ayrılır. Maliyyə yardımı göstərilən ay üzrə qəzetin yalnız fiziki şəxslərdən ibarət hər əlavə 500 abunəsi üçün aylıq 200 manat, hər əlavə 1000 abunəsi üçün isə aylıq 400 manat məbləğində bonusun verilməsi nəzərdə tutulur.

Hüquqşünas, media məsələləri üzrə ekspert Xalid Ağəliyev  Kamran Mahmudovun təqdimatında yayımlanan “Çətin sual” verilişində mediaya hökumət tərəfindən pul ayrılmasına münasibət bildirib. --0--