Mehman Əliyev monarxiyaya keçid təklif edir? – Mehman Əliyev “Çətin sual" qarşısında

Bakı/21.02.22/Turan: Turan İnformasiya Agentliyinin rəhbəri Mehman Əliyevin yazdığı “Avtoritarizmdən demokratiyaya üç mərhələdə keçid” məqaləsi bir neçə gündür ictimaiyyət arasında xeyli müzakirələrə səbəb olub. Məqalədə deyilir ki, İdarəetmə formasından asılı olmayaraq, avtoritar idarəetmədən demokratik idarəetməyə keçid dövrü 15 il çəkə bilər.

Bu müddət parlament seçkiləri arasındakı müddətlər, həmçinin beşillik fəaliyyət planları əsasında seçilir.

İki dövlət idarəetmə formasından biri işə salına bilər - monarxiya və prezident-parlament idarəçiliyi.

İnsanlar isə daha çox yazıdakı monarxiya məsələsinə ilişirlər. Belə bir fikir formalaşdırırlar ki, Mehman Əliyev monarxiyaya keçid təklif edir.

Həqiqətənmi Mehman Əliyev monarxiyaya keçid təklif edir?

İctimaiyyətdə yaranan suallara müəllif Mehman Əliyev Kamran Mahmudovun təqdimatında yayımlanan “Çətin sual” verilişində cavab verir.