Prezidentin Söyüdlü ilə bağlı dediklərindən hansı nəticələr çıxarmaq olar? – Mirvari Qəhrəmanlı saat 16:00-da Çətin sualda

Bakı/12.07.23/Turan: Hökumətin 2023-cü ilin birinci yarısının sosial-iqtisadi yekunlarına dair geniş iclasında çıxış edən prezident Ilham Əliyev Gədəbəyin Söyüdlü kəndində baş verənlərə münasibət bildirib. Prezident xarici investorun Azərbaycanın ətraf mühitini çirkləndirməsilə bağlı səhlənkarlığına görə Ekologiya və Təbii Sərvətlər Nazirliyini tənqid edib.

İlham Əliyev qızıl mədəninin ətraf mühiti çirkləndirməsilə bağlı Gədəbəy rayonunun Söyüdlü kənd sakinlərinin ekoloji tələblərini haqlı hesab edib.

Lakin eyni zamanda dövlət başçısı yerli sakinlərin etiraz aksiyasının dağıdılması ilə bağlı hərəkətlərə haqq qazandırıb.

Prezidentin müşavirədə Söyüdlü kəndində baş verənlərə münasibətində dediklərini hüquq müdafiəçisi, Neftçilərin Hüquqlarını Müdafiəsi ictimai Birliyinin sədri Mirvari Qəhrəmanlı Kamran Mahmudovun təqdimatında yayımlanan “Çətin sual” verilişində şərh edir.