Qarabağa turist səfərləri “kreativ düşüncənin” məhsulu kimi
Bakı/11.08.21/Turan: Dövlət Turizm Agentliyi Qarabağa turist səfərləri təşkil etməyi planlaşdırır. Agentliyin sədri Fuad Nağıyevin sözlərinə görə, "Yolumuz Ağdamadır” adlı ilk səfər bu ayın sonunda təşkil olunacaq. Hazırda agentlikdə gələn il Füzuli-Xocavənd istiqamətində turları təşkil etmək imkanları müzakirə olunur.
İdeya ictimaiyyət tərəfindən xüsusi həyəcan olmadan qarşılanıb. Sosial şəbəkələrdə vətəndaşlar, xüsusilə də Qarabağ sakinləri öz torpaqlarına turist kimi getmək təklifinə etiraz edirlər. Bu barədə "Çətin sual" proqramına jurnalist Səxavət Məmməd bildirib.
Məmmədin sözlərinə görə, Turizm Agentliyinin məmurlarının bu cür "kreativ" təşəbbüsündən xəbər tutanda qulaqlarına inanmayıb.
"İnsanların hisslərinə belə yanaşmaq və onların dədə-babalarının məzarlarını, kiçik Vətənlərini görmək istəyini mənfəət mənbəyinə çevirmək olmaz. Bu, Vətənə qayıdış deyil, turist səfəri və ya turist yürüşüdür", - o deyib.
Jurnalist onu da qeyd edib ki, adamları işğaldan azad olunan ərazilərə buraxmırlar və bunu onunla əsaslandırırlar ki, oralar minalanıb. Amma bütün ərazilər minalanmayıb. Axı aydındır ki, ermənilər özlərinin yaşadıqları yerləri minalamayıblar. Niyə bu ərazilərə səfərlər təşkil olunmur? Və niyə hansı zonaların minalandığı, hansının minalanmadığı barədə adamlara məlumat verilmir?
Məmmədin sözlərinə görə, bəzi kateqoriya adamlar var ki, onlar üçün işğaldan azad olunmuş ərazilərə gedən yollar qadağan olunmayıb, bunlar məmurların qohumlarıdır.
"Onlar Qarabağ ərazisinə sərbəst girirlər və onlara heç kim "olmaz" deyə bilməz. Həmçinin adamların oraya rüşvət qarşılığında buraxılması halları da az deyil", - Məmməd deyib.—0—
Çətin sual
-
Sentyabrın 1-nə təyin olunmuş növbədənkənar parlament seçkilərində iştirak etmək üçün imzatoplama kampaniyası hazırda davam edir. Hazırda mindən çox şəxsin namizəd olmaq üçün müraciət etdiyi bildirilir.
-
Son vaxtlar aqressiyanın artmasının səbəbi olaraq şok effekti yaradan kriminal xəbərləri tez-tez eşidirik.
-
İlin sonuna kimi məktəblərdə adambaşına maliyyələşmə sisteminə keçid planlaşdırılır. Elm və təhsil naziri Emin Əmrullayevin sözlərinə görə, bu, bir neçə məktəbdə pilot kimi həyata keçiriləcək: "Sınaq uğurlu olsa, inkişaf üçün cəbhə yaranacaq. Bununla da məktəb muxtariyyəti və müəllimlər tərəfindən idarə olunması üçün yaxşı zəmin yaranacaq".
-
Ermənistanın baş naziri Nikol Paşinyan Böyük Britaniyada Azərbaycan prezidenti İlham Əliyevlə görüşdən imtina edib. Bunu Azərbaycan prezidentinin köməkçisi - Prezident Administrasiyasının xarici siyasət məsələləri şöbəsinin müdiri Hikmət Hacıyev "Report"a bildirib.
Rəy yaz