Qubad İbadoğludan nə xəbər var? – Qardaşı Qalib Toğrul Çətin sualda

Bakı/09.08.23/Turan: ADR partiyasının sədri Qubad İbadoğlu iyulun 23-də saxlanılıb, ertəsi gün Nərimanov rayon Məhkəməsində onun barəsində ilkin istintaq dövrü üçün 3 ay 26 günlük həbs qətimkan tədbiri seçilib.

Ona qarşı Cinayət Məcəlləsinin 204.3.1 ( saxta pul və ya qiymətli kağızlar hazırlama, əldə etmə və ya satma mütəşəkkil dəstə tərəfindən törədildikdə) maddəsi ilə ittiham irəli sürülüb.

ADR sədri daha dörd nəfərlə əlbir olmaqda ittiham olunur. Onların adları ilk dəfə iyulun 23-də Türkiyə mediasında açıqlanmışdı.

FETÖ (Fətullah Gülən Terror Örgütü) ilə əlaqəli şəxslər kimi təqdim olunan bu dörd nəfərə qarşı da Qubad İbadoğlu ilə eyni – Cinayət Məcəlləsinin 204.3.1 maddəsi ilə ittiham irəli sürülüb. Sözügedən dörd nəfər Döyrüş Cəfərov, Gümrah Əbdürəhmanov, Ruslan Əliyev və Anar Əliyevdir. Qubad İbadoğlu saxlandıqdan sonra yayılan məlumatlarda iddia olunurdu ki, Anar Əliyev ifadəsində onun adını çəkib.Amma Qubad İbadoğlu ümumiyyətlə, bu şəxsi tanımadığını deyib.

Türkiyədə saxlanılaraq, Azərbaycana gətirilən azərbaycanlı alim Fazil Qasımov haqqında həbs qərarı verilib. Azərbaycan Demokratiya və Rifah Partiyasının (ADR) sədri, həbsdə olan professor Qubad İbadoğlunun işiylə əlaqədar saxlandığı bildirilən Fazil Qasımov barəsində ilkin istintaq dövrü üçün 3 ay 12 günlük həbs qətimkan tədbiri seçilib.

Son baş verənlərlə bağlı Qubad İbadoğlunun qardaşı Qalib Toğrul Kamran Mahmudovun təqdimatında yayımlanan “Çətin sual” verilişində danışır.