Referendum və növbədənkənar seçki söhbətləri – Mirəli Hüseynov

Bakı/09.08.21/Turan: Xeyli vaxtdır mediada və sosial şəbəkələrdə tezliklə Konstitusiyaya dəyişikliklər edilməsi üçün referendum keçiriləcəyi barədə mənbəyi bəlli olmayan məlumatlar dolaşır. Konstitusiyaya bu dəfəki dəyişikliklərin yenidən proporsional seçki sisteminin bərpası məqsədi ilə həyata keçiriləcəyi söylənilir.

Bundan sonra isə parlamentin buraxılacağı və həm majoritar, həm də proporsional seçki sistemi ilə yenidən növbədənkənar parlament seçkilərinin keçiriləcəyi deyilir.

Məsələ mediada və sosial şəbəkələrdə o qədər ciddiləşdi ki, 50-yə yaxın Milli Məclisin deputatı məsələyə münasibət bildirdi və demək olar ki, hamısı yekdilliklə bu söhbətlərin əsassız olduğunu, parlamentin buraxılmasına ehtiyac olmadığını vurğuladılar.

Məsələyə bu formada reaksiya özü də şübhələrə və böyük marağa səbəb oldu. Çünki 2019-cu ilin dekabrında parlamentin özünü buraxmasından əvvəl də bu kimi söhbətlər var idi və həmin vaxtlarda da  bir çox deputatlar bu məlumatı təkzib edirdilər.

Həqiqətənmi yaxın vaxtlarda referendum və növbədənkənar seçki keçirilə bilərmi?

Seçki məsələləri üzrə ekspert Mirəli Hüseynov saat 16:00-da Kamran Mahmudovun təqdimatında yayımlanan “Çətin sual” verilişində bu və digər suallara cavab verəcək.