Bakı/11.05.22/Turan: Mayın 10-da Litva parlamenti Rusiyanı terror dövləti olaraq tanıyıb. ABŞ Senatı isə Rusiyanı terrorçuluğun sponsoru kimi tanıyan qətnaməni qeydə alıb.
Rusiya Xarici İşlər Nazirliyinin rəsmi nümayəndəsi Mariya Zaxarova ABŞ-ın Rusiya Federasiyasının terrorizmi himayə edən ölkə kimi tanınması təşəbbüsünü “səfehlik” adlandırıb.
Bundan bir gün əvvəl isə ABŞ prezidenti "Ukrayna demokratiyasının müdafiəsi üzrə Lend-Liz Aktı"nı imzalamışdı. İkinci Dünya müharibəsində faşizmə qarşı mübarizədə SSRİ-yə (eləcə də Böyük Britaniya və digər müttəfiqlərə) dəstək üçün qəbul olunmuş yardım proqramı 81 il sonra bu dəfə SSRİ-nin varisi olan Rusiyaya qarşı bərpa edildi.
Bütün bunlar nə vəd edir? Rusiyanın terror dövləti elan olunması daha hansı ölkələrə problem yarada bilər? Bu addım Rusiyanı daha da aqressivləşdirməyəcək ki?
Siyasi şərhçi Rauf Mirqədirov Kamran Mahmudovun təqdimatında yayımlanan “Çətin sual” verilişində bu suallara cavab verir.
Çətin sual
-
Azərbaycanda 2025-ci il yanvarın 29-da bələdiyyə seçkiləri keçiriləcək. Noyabrın 27-də Mərkəzi Seçki Komissiyasının iclasında bu barədə məlumat verilib.
-
Səhiyyə Nazirliyinin tabeliyindəki İctimai Səhiyyə və İslahatlar Mərkəzinin mülki müdafiə qərargahının rəisi Ədalət Verdiyev həbs edilib. Həm də ehtiyatda olan zabit olaraq, hərbi ekspert kimi fəaliyyət göstərən Ədalət Verdiyev dövlət sirri hesab edilən hərbi məlumatları yaymaqda ittiham olunur. Bu barədə Baş Prokurorluğun mətbuat xidməti məlumat yayıb.
-
Noyabrın 23-də COP29-un pərdələri endikdə, iki həftə davam edən iqlim sammiti Azərbaycanın paytaxtında, Ekologiya və Təbii Sərvətlər naziri Muxtar Babayevin sədrliyi ilə keçirilərək həm rahatlama, həm də narazılıq hissləri ilə başa çatdı. Formal razılaşma elan olunsa da, ora çatmaq üçün keçilən gərgin yol qlobal iqlim dəyişikliyi ilə mübarizəyə bağlılıqda dərin fikir ayrılıqlarını və açıq qalan sualları ortaya qoydu.
-
Noyabrın 23-də BMT-nin İqlim Dəyişikliyi üzrə Çərçivə Konvensiyasına tərəflərin Konfransının (COP29) 29-cu sessiyası Bakıda başa çatdı. Azərbaycan Respublikasının Ekologiya və Təbii Sərvətlər Naziri Muxtar Babayevin rəhbərlik etdiyi konfrans iki həftə davam etdi.
Rəy yaz