![Siyasi motivli həbslər niyə artıb? – Rüfət Səfərov “Çətin sual` qarşısında](https://turan.az/resized/media/2022/main/052400042725-750-500-resize.webp)
Siyasi motivli həbslər niyə artıb? – Rüfət Səfərov “Çətin sual` qarşısında
Bakı/24.05.22/Turan: Son günlər ölkə daxilində siyasi motivli həbslərin və təzyiqlərin artması ilə bağlı məlumatlar gəlir. Mayın 21-də bloqçu, keçmiş siyasi məhbus Rəşad Ramazanov yenidən həbs edilib. Onu bu dəfə də narkotik vasitələrin qanunsuz dövriyyəsi maddəsi ilə ittiham edərək, barəsində 4 ay həbs qətimkan tədbiri seçiblər. R.Ramazanov həbsdən çıxandan sonra bir müddət muhacir həyatı yaşayıb və bu dövrdə də hakimiyyətə qarşı sərt tənqidlərini davam etdirib.
Mayın 20-də Müsəlman Birliyi Hərəkatının üzvü Razi Hümbətov 6 il azadlıqdan məhrum edilib. R.Hümbətov da narkotik vasitələrin qanunsuz dövriyyəsində ittiham olunurdu. Hakimiyyətə tənqidi münasibəti və ictimai fəaliyyəti ilə tanınan Razi Hümbətov Müsəlman Birliyi Hərəkatının üzvüdür. Razi Hümbətovun məhkəməsi zamanı polislər məhkəmə binası önünə toplaşan MBH üzvlərini ərazidən uzaqlaşdırıb. Sonradan bəlli olub ki, həmin üzvlərdən Ağəli Yəhyayev, İmran Məmmədli və Elgiz Məmmədova 30 sutka inzibati həbs cəzası verilib. Süleyman Ələkbərov və Mail Kərimov DİN-in Mütəşəkkil Cinayətkarlıqla Mübarizə İdarəsinə aparılaraq ağır işgəncələrə məruz qoyulub.
Mayın 19-da Almaniyadan ölkəmizə qaytarılan mühacir fəal Ziya İbrahimli Bakı hava limanında saxlanılıb. Z.İbrahimli Almaniyadan deportasiya edildikdən sonra Azərbaycanda müxtəlif ittihamlarla həbs edilən, mühacir fəal olmuş 6-cı şəxsdir.
Bu arada hazırda həbsdə olan Vətəndaş və İnkişaf Partiyasının sədri Əli Əliyev yenidən xüsusi ittiham qaydası ilə məhkəməyə verilib və iş icraata götürülüb.
Bütün bunlar barəsində Müdafiə Xətti hüquq müdafiə təşkilatının sədri Rüfət Səfərov Kamran Mahmudovun təqdimatında yayımlanan “Çətin sual” verilişində danışır.
-
- İqtisadiyyat
- 24 May 2022 16:00
-
- Maliyyə
- 24 May 2022 16:11
Çətin sual
-
Sentyabrın 1-nə təyin olunmuş növbədənkənar parlament seçkilərində iştirak etmək üçün imzatoplama kampaniyası hazırda davam edir. Hazırda mindən çox şəxsin namizəd olmaq üçün müraciət etdiyi bildirilir.
-
Son vaxtlar aqressiyanın artmasının səbəbi olaraq şok effekti yaradan kriminal xəbərləri tez-tez eşidirik.
-
İlin sonuna kimi məktəblərdə adambaşına maliyyələşmə sisteminə keçid planlaşdırılır. Elm və təhsil naziri Emin Əmrullayevin sözlərinə görə, bu, bir neçə məktəbdə pilot kimi həyata keçiriləcək: "Sınaq uğurlu olsa, inkişaf üçün cəbhə yaranacaq. Bununla da məktəb muxtariyyəti və müəllimlər tərəfindən idarə olunması üçün yaxşı zəmin yaranacaq".
-
Ermənistanın baş naziri Nikol Paşinyan Böyük Britaniyada Azərbaycan prezidenti İlham Əliyevlə görüşdən imtina edib. Bunu Azərbaycan prezidentinin köməkçisi - Prezident Administrasiyasının xarici siyasət məsələləri şöbəsinin müdiri Hikmət Hacıyev "Report"a bildirib.
Rəy yaz